Zeynep Durgut - Şehrîban Aslan

 

AMED - Avûkata Hemsereka DBPyî ya verê Sabahat Tuncel, Cemîle Turhalli Balsake qisey kerd. Cemîle va: "Ê bendeyê wextê ke bi feyde bî seba prosesêko vera nê çî nêbo asteng ke qanûn ra derbaz bikerê û bi vîrusê koronayî dir eşrawitî parlamento." 

 

Dimayê ke şubeyê vîrusê koronayî (Covîd -19) seranserê dinya de vila bi û seba tedbîran, xeylêk welatan de bi hezaran hepsî serbest ameyî veradayene. Tirkîya de zî qanûnê Înfazî ke hetê AKP û MHPyî ra ame amadekerdene, pêşkêşê meclîsî kerdî. Pakete hetê Komîsyonê  Edaletî yê Meclîsî ra ame qebulkerdene. Bi nê pakete dir xêrcê hepsîyê sîyasî do 90 hezarî hepsîyê sîyasî serbest bêrê veradayene. Derheqê qanûnê înfazî de û rewşa Hemsereka  DBPyî ya verê  Sebahat Tûncele a ke zîndanê Kandirayî de manena, avûkata ci Cemîle Turhalli Balsake qisey kerde. Cemîle derheqê qanûnê înfazî de dîyar kerde ke Neteweyê Yewbîyaye (NY) semedê veradayene pêro hepsîyê sîyasîyan qanûn vet, la Tirkîya vera nê qanûnî têgeyra.

 

'Hepsîyê sîyasîyan seke welatî yan zî kes nêvînenê' 

 

Cemîle dewamê qalîkerdişê xo de ard ziwan ke nêveradayîşê hepsîyê sîyasîyan polîtîk o û wina va: "Dewamê tepiştişê hepsîyê sîyasîyan, metodêko polîtîk o. Tirkîya de atmosferê sîyasî her prosesî de serê dade tesîr kerdo. Xeylêk dosyayê ke dewlete hesab bida, vera nê mexdûrî hesab danê. Heyetê dadgehan goreyê kêfê îqtîdaran qerar danê. Prosesê peyîn de Selahattîn Demîrtaş û Osman Kavalî DMMEyî tewr girîng û verbiçiman de yê. La welatê totalîter yê sey Tirkîya de verpayê ci yeno bi ca ardene. Heta ke no nêzdîbîyayîşê polîtîk nêvuryo û xêrcê vurnayîşî nê metodê polîtikayî tewr zêde geş bibo û do qanûno newe de zî no bêro îfşakerdene. Hukmat heta nika waştib ke demêko derg hepsîyê sîyasî dûr bifîno û derbaz bikero. Ê wextê ke bifeyde bî ke prosesêko vera nê çî de nêbo asteng bî. Bi virusê korona dir, berdî parlamento. Seba reaksîyonan, qanûnî de xeylêk sucdarê sembolîk ameyê vetene. Xêrcê hepsîyê sîyasî, do pêro hepsîyê edlî nê qanûnî ra feyde bigîrê. Ma eşkenê vajê ke no netîceyê ke bêehlaqî yo. Seba ke ma vînenê, hepsîyê sîyasî sey welatî yan zî kes nêvînenê. Hepsîyê sîyasî her wext yenê cîyakerdene. Bi vatişêko bîn, mudaxelekerdişê heq û azadîyan de çîyêko meşrû nêbi. Verê vurnayîşê qanûnî, gerek berpirsyarîyê qanûnî ramojnê."

 

'Hewcedarîyê tewr lazimî zî yenê sînorkerdene'

 

Cemîle dewamê qalîkerdişê xo de dîyar kerde ke veradayîşê hepsîyê edlîyan, vernîya tehluke akeno û va: "Neteweyê Yewbîyayî dîyar kerdî ke ganî hepsîyê sîyasî zî bêrê veradayene. Tirkîya de zî semedê veradayîşê hepsîyê sîyasîyan game nêame nêeştene. Ma zanê ke metodê tehlukeyî vejîyayîşî bi mercê fîzîkî yê zîndanî dir paralel o. Eynî wextî de hewcadarîyê hepsîyê sîyasîyan zî yenê sînorkerdene. Bêgûman nê ra muwekîla mi, Sebahat Tuncele zî rasterast tesîr bena."

 

'Seba veradayene Sebahat û Gultane ma muracat kerd'

 

Cemîle dima ra ard ziwan ke seba veradayene Sabahat Tuncele înan muracat kerdo la muracatê înan ameyo redkerdene û va: "Dayeyê Wezaratê Weşîye ê Dinya heme çî ramojneno. Seba proseso bîyaye ma 13ê Nîsane de muracat kerd ke muwekîlê ma  Sabahat Tuncele û Gultan Kişanake serbest bêrê veradayene, labelê îtîrazê ma ameyî redkerdene. Sew bînî nêweşîya Gultan Kişanake ya kronîkî zî esta."

 

'Dewletî mecbur ê ke heqê ciwîyayîşî verê çiman ra derbaz bikerê'

 

Cemîle tewr peyîn qalîkerdişê xo de da zanayene ke heqê her kesî ê ciwîyayîşî esto û wina va: "Şubeyê vîrusê koronayî yê dinya ser o ramojna ke no çî rasterast bi heqê ciwîyayîşî dir têkildar o. Dewletî zî mecburê ke nê verê çiman de bigîrê."