AMED - KCD derheqê menga Remezanî de eşkerayîyêka nuştekî da. KCD dîyar kerd ke do hemverê ê ke zilm kenî û çi semed ra polîtîkayê zilmî aver benî, de têkoşîn bêro dayene û ganî no seba her misilmanêk wezîfe bibo.

 

Kongreya Komela Demokratîke (KCD) bi wesîleya menga remezanî eşkerayîyêka nuştekî da. Eşkerayîye de ame vatene ke wa menga Remezanî asayîş û aştîye bîyara.

 

Dewamê eşkerayîya KCDyî de wina ame vatene:

 

“Ma prosesêk newe ke merdimîye vera Vîrusê Korona (Covid-19) de têkoşîn danî de kewtî menga bimbarek ya Remezanî. Ma sey Kongreya Komela Demokratîke (KCD) umud kenî ke menga Remezanî ke seba alemê Îslamî bimbarek a, bi bereket û weşî derbaz biba.

 

Menga Remezane ya bimbareke merdiman bi ercanê esasî yê Îslamîyetî reyde ana têhet û bena wesîleya aştî, wayeûbiratî û paştîdayîşî. Çi heyfo ke tay îqtîdarî bi seserran o ercanê bawerîya Îslamî polîtîkayanê xo yê zilmî rê kerdî halet û bi no hawa pêroyê komelê Rojhelato Mîyanenî açarnenî gola gonî. Do hemverê ê ke zilm kenî û çi semed ra polîtîkayê zilmî aver benî, de têkoşîn bêro dayene û ganî no seba her misilmanêk wezîfe bibo.

 

Seke KCDyî ma reyke bîn wazenî ke bîyarê vîr, dînê Îslamî, dînê aşitî, seyyewbîyayeyî û weşîye yo. Vengdayîşê ma seba temamê alemê Îslamî no yo; Ganî tîya ra tepya û dima ra ma destûr nêdê ke tu kes ercê dînê îslamî seba berjewendîyê xo nêkerî hacet û bi no hewa bawerîya merdiman îstîsmar nêkero. Ma eşkenî bi felsefeyê aşitî, seyyewbîyayî û weşbîyayene dînê Îslamî de hemverê aqilê îqtîdarê ke muslumanan vera muslumanan, Kurdan vera Kurdan û bawerîyê cîyayeyan bi yewbînan dano şiknayene têkoşîn bikerî.

 

Ma omid kenê ke menga Remezanî semedê şarê ma mîyanê aşitî, piştdayîş û weşîye de derbaz bibo. Ganî ma seba feqîrê ke hûmara înan resana bi sehezaran, merdimê veşanan zî xo vîr ra nêkerî û na menga bimbareke de empatî bi ca bîyarê û kesêke zî nêdejnê û torra piştdayene awan bikerî. Bi omidê ke ma kesê ke hewcedarîyê înan bi hetkarî bibo, bê piştdayene û silamê aşitî, seyyewbîyayî ra bêpar nêverdê û ma wazenê menga Remezanî temamê Îslamî rê asayîş û  û aşitîye bîyara."