STENBOL - Derheqê rewşa cinîyanê ke keye de pakîtî kenê û pê debara xo kenê de Evîd-Senî raporêk eşkera kerd û va: "Proseê vîrusê koronayî de 7 cinî bi vîrûs kewtê û nika tedawî vînenê. Eynî wextî de cinîyê ke nika nêeşkenê bixebityê zî bi problemanê ekkonomî dir rîbirî mendê."

 

Sendîkaya Piştdayişî Karkerê Keyeyan (Evîd-Sen), derheqê nê prosesî de zehmetîyanê cinîyê ke karkerê keyeyanê de rapor amade kerd. Rapor de ame vatane ke seranserê dinay de karkerê keyeyî ke hûmara înan 100 milyonî zêdeyêr a, bê asayîş yenê xebitnayene û vîrûsê koronayî tesîr serê xeylêk cinîyanê kedkaranê keyeyan kerdo.

 

Rapor de wina ame vatene: "7 cinîyê ke keyeyan de karê pakîtî kenê, bi vîrûs kewtê û tedawîya 7 cinîyan zî dewam kena. Ma bi rayîrê înternetî, bi 30 cinîyan dir têkilî da ro. Nê cinîyê ke verê karê rojane de xebityayê, nika pêro bê kar ê û bi problemê ekonomîye dir rîbirî yê. Nika ameyê sewîyeya ke nêeşkenê hewcedarîyanê xo yê rojane bi ca bîyarê. Wextê xebate de asayîşê ganê înan çin o."