WAN - Cinîyê ke bi adetê seserran vera kapîtalîzmî sere wedarnayî û dinyaya kozmetîke rijnayî û sirê weşikî herre de vînenê.

 

Yeno munaqeşekerdene ke vîrusê korona (covîd-19), yeno manaya vindîkerdişê kapîtalîzmî. Butçeyê ke gerek weşîye rê bêro visnayene, kozmetîkî rê yeno visnayene û belkî zî do bibo sebebê mergê sehezaran kesî. Cinîya bi nameyê Şemsîhan Yacana 45 serrî qezaya Elkî ya Şirnexî de dewa Yelîlozî de ameya dinya, serrê 90an de seba teda û zorê dewlete mecbur mende ke dewe ra koçê merkezê Wanî bikera. Şemsîhane dîyar kerde ke dewe de pêro çîyê înan bi xoza bîyê û cuya xozayî de herre, nebatan tewr baş nas kerda. Şemsîhane bi serran o herra ke zozananê Feraşînî ra kom kena, sere vera dinayaya kozmetîke wedarnena.

 

Adetê seserran bi destê cinîyan gane beno

 

Şemsîhane dîyar kerde ke semedê ferzkerdişê qorîcîtî 20 serrê verê dewa ra koç kenê û Wan de bi ca benê û wina va: "Ez zaf bêrîya cuya ûca kena. Cuya ma dewe zehmet bî la zaf weş bî. Her çî organîk û hewa pak bî. Awa ma çimeyê xozayî ra bî. Pêro berardişê xozayî destê cinîyan ra vejîyayîne. La semedo ke ma sîstemê qorîcîtî qebul nêkerd, dewa ma ameye veşnayene û ma koçê Wanî kerd."

 

Zozananê Feraşînî ra ver bi porê cinîyan

 

Şemsîhane da zanayane semedo ke xoza ra hes kena, xeylêk tewirê nebat û herre zî zana û wina dewam kerde: "Çîyê ke ma dayîkanê xo ra musayî, ma bi ca anê. Ma şonê serê qilê Feraşînî û ma kîlan weçînenê, kenê tûrikanê xo. Kîl, hem semedê ganê merdimî û hem semedê karanê rojane yeno xebitnayene. Gerek ma verê xo bidê xoza."

 

Vera dinyaya kozmetîke serewedaritene

 

Şemsîhane wina va: "Kîlo ke ma kom kenê, seba  por û çermê rîyê xo xebitnenê. Ma kenê zerreyê awe û ma kenê sey merhemî. Por keno derg, nerm keno, nêverdeno birijyo. Semedê rî yeno xebitnayene. Eynî wextî de semedê tenûranê xo zî xebitnenê. Wexto ke ma kîl danê tenûranê xo ro, nanê ma lez pewceno. Ma kîl, pakîtîyê çîyanê mutbaxî de zî xebitnenê."