AMED - 135 kesê ke Iraqî ra pê otobusan ameyî ardene Amed cayê mendişî yê wendekaran de seba 14 rojan  gerîyayî binê karantîna.

 

135 kesî Iraqî ra bado ke Berê Sînorî yê Habûrî de kontrolê weşîye ra ravertî  pê otobusan  ameyî ardene Amed. 135 kesê ke  cayê mendişî yê wendekaranê camêrdan ê  Halid Bin Velidî de gerîyayî binê karantîna do çarçeweya tedbîranê vera janê Korona de 14 rojî tîya de bimanê.

Hetê bînî ra selahîyetdaran eşkera kerd ke rîyê vîrusê Korona ra cayanê mendişî yê wendakaran ê 76 bajaran de 23 hezar û 801 kesî binê karantîna de yê û 32 hezar û 668 kesî şawîyayî keyeyanê înan.