Ehlam Hecî / Nesrîn Hisen

 

ŞENGAL - Cinîyê Şengalijî derheqê hêrişanê serê Zînê Wertê de nêrazîbîyayîşê xo ramojnayî û vatî: “Ganî hêrişê serê Zînê Wertê peynî bibê. Semedê pawitişê îşxalkerdoxan ra şarê kurdî ganî yewîya mabêne xo de safî bikerê. Vera hêrişê serê Zînê Wertê û heme hêrişan de ganî şarê kurdî bibê yew.”

 

Hêrişê dewleta tirkî yê serê Vaşûrê Kurdistanî û Rojawanî de dewam kenê. Derheqê hêrişanê dewleta tirkî yê vera Şarê Kurdî de cinîyê Şengalijî zî qisey kerdî. Cinîyan vatî: Ma hêrişanê vera şarê kurdî qetî qebûl nêkenî. Do vera hêrişan têkoşînê ma her wext dewam bikero.”

 

‘Ma do qetî hêrişê vera şarê kurdî qebul nêkerê’

 

Endama Tevgerê Cinîyanê Êzidîyan (TAJÊ) Kinê Xidire wina vat: “Ma sere de hêrişê ke Zînê Wertê de ameyê meydan, ma şermezar kenê. Nê hêrişî nînê qebulkerdene û ma qetî şermezar kenê. Cayê ke bi gonîya Şehîdan ameyê xilaskerdene, ewro hêriş kenê. Wexto ke DAÎŞî hêrişê Şengalî kerd pêşmergerî remayî. Nika YBŞ û YJŞî hêzê ma yê pawitişî yê. Ma do bi hêzanê xo yê pawitişî, vera pêro hêrişan de vinderê. Ma do qetî hêrişê vera şarê kurdî qebul nêkerê."

 

‘Vera hêrişê serê Zînê Wertê û vera pêro hêrişan şarê Kurdî bibê yew’

 

Endama Tevgerê Cinîyanê Êzidîyan (TAJÊ) Meyan Nasire zî wina vat: “Ma hêrişê vera Zînê Wertî şermezar kenê. Dewleta tirkî ya faşîst hêrîşî ma kena. Ma nêwazenê şerê birakiştişî virazîyo û ma wazenê vera hêrişanê dewleta tirkî de vinderê. Ganî hêrişê serê Zînê Wertê peynî bibê. Seba îşxalkerdoxan ra bi pawê hêrişî ganî peynî bibê. Seba îşxalkerdoxan, ganî yewîya şarê kurdî bibo. Vera hêrişanê serê Zînê Wertê û pêro hêrişan ra ganî kurdî bibê yew. Ma hêrişanê vera şarê kurdî qetî qebul nêkenê. Vera hêrişan do têkoşînê ma qetî dewam bikero.”