MERKEZÊ XEBERAN - Asayîşê YNKyî rayşîyayîşê ciwanan ê ver bi Zînî Wertê asteng kerd. Ciwanan 45 deqeyan çalakîya roniştişî kerdî. Dimayê çalakîye îzahat dayî û vatî: “No rayşîyayîş, rayşîyayîşê neteweyî bi û yewîye yena astengkerdene.”

 

Rayşîyayîş, Înîsyatîfê Ciwananê Vaşûrê Kurdistanî yê seba Zînî Wertê ame organîzekerdene, hetê YNKyî ra ame astengkerdene. Wexto ke girse resa Serkebanî, polîs û hêzê asayîşî vernîya înan girewtî. Berpirsîyarê asayîşî Abdulah Çavreşî rayîr nêda ke ciwanî şorê. Ame vatene ke Wezîrîyê Mîyanxoyî ‘rayîr medê rayşîyayoxan’ qerar girewto. Ciwanan reaksîyon vera vatene polîsan ê ‘Seba asayîşê şima, rayîr nêdanê’ dayî û vatî: “Ma pêro berpirsîyarî gênê serê xo.”

 

Ciwanan seba protestokerdişî bi qasê 45 deqeyan çalakîya roniştişî kerdî. Dima ra zî Arîn Şiwanî eşkerayîyêk da û vat: “No rayşîyayîş, rayşîyayîşê yewîya netewî bi. Astengkerdene ci yeno manaya nêpêameyîşê yewîya netewî. Çira YNK nê rayşîyayîşî asteng keno. Gelo komploya Zînî Wertê de engişta ci esta.”