AMED - Amed de polîsan eşt serê keyeyan û hûmara destbendkerdeyan resa 5. ame zanayene ke seba dosya qeraro nimte ameyo dayene.

 

Amed de 5 kesî serê sibayî ameyî tepiştene. Endama Komeleya Cinîyan a Rosa Suzan Îşbîlene, endamê Meclîsê Partîyê (PM) yê Partîya Demokratîkî ya Şaran (HDP) Eşref Mamedoglu û endamê PMî ya Partîya Herêmê Demokratîkî (DBP) Ramazan Dengîzî ameyî tepiştene. Sewbîna polîsan serê sibayî eşt serê keyeyê endama Komeleya Cinîyan a Rosaye Gulîstan Nazliere. La semedo ke Gulistane keye de nêbî nêameye tepiştene. Îdarekarê verên yê HDPyî Hasan Kale û Serekê Şubeyê yewin ê Amedî yê Konfederasyonê Sendîkayanê Karkeran ê Şorişgêran (DÎSK)  Hasan Hayrî Eroglu ameyî destbendkerdene.

 

5 kesê ke ameyî destbendkerdene, berdî Mudirîyê Asayîşî yê Amedî TEMî. Gorey zanayîşan hûmara destbenkerdeyan do bibo zêde.

 

Ame vatene ke derheqê dosya de qeraro nimte ameyo dayene û 24 saetî bi avûkatan dir pêvînayîş ameyo qedexekerdene.

 

Heto bîn ra hetê avûkatê nêweşa KOAHî Suzan Îşbîlene ra ame vatene ke seba janê koronayî Suzane binê rîsk de ya.