Pervîn Buldane: Vîrus zîndanan de cîyayî nêkeno

 

 

QERS - Hemsereka Pêroyî ya HDPyî Pervîn Buldane, betalkerdişê wekîlîtî û tepiştişê parlamenteran şermezar kerd û vat: “Vera HDPyijan huqûqêk bîn esto. Vîrus zîndanan de cîyabîyayîş nêkeno mabêne tepişteyanê edlî û sîyasî. Vîrus cîyabîyayîşê HDPyî û CHPijan nêkeno. Eke wîcdan, demokrasî û edalet bibo ganî bi lezabez embazê ma yê tepişteyî serbest bêrê veradayene.”

 

Hemsereka Pêroyî ya HDPyî Pervîne Buldan, wekîlanê HDPyî reyde vizêr Rêxistina HDPyî ya Îdirî zîyaret kerde.

 

Pervîne zîyaretê xo de çapemenîye reyde qisey kerd û vat: ''4ê teşrîna peyêne de wekilîya Selahattîn Demîrtaş, Fîgene Yuksekdag û bi desan wekîlê ma ameyî batalkerdene. 4ê teşrîna peyêne ra dima darbeya sîyasîye dewam kerd. Ewro serrgêra 7ê hezîrane ya. 7ê hezîrane de ma hêvîyê pîlî dayî şaranê Tirkîya. Darbeya yewine 7ê hezîrane de ameye kerdene. Ma ser kewtî la weçînayîş batal bi. 1ê teşrîna peyêne de zî ma reyna qezenç kerd. HDP seba pêro weçînayîşan bi hêvî. ''

 

Pervîne derheqê weçînayîşê herêmî yê 31ê adare de zî wina vat: ''Rixmê astengîyan, xesp û qeyûman zî mma şaredarîyê xeylêk şaristanan qezenç kerdî. Weçînayîşê Îstanbulî tarîxê Tirkîya de yewin bi. Ma pê hêzanê demokratîkan kewtî weçînayîşê 23ê hezîrane. Eke HDP nêbîyêne înan do Îstanbul, Anqara, Antalya û Mersîn qezenç nêkerdêne. Ma ewro îdîa kenê ke eke HDP çinbo kesêk do weçinayîşan qezenç nêkero.''