Safiye Alagaş

 

STENBOL - Forumê Cinîyan ê Yogurtçu Selîn Tope dîyar kerde ke hêrişê hemverê TJA û Komeleyê Cinîyan a Rosa, ters û bêtehemulîyê vera têkoşînê cinîyan ke yenê kerdene yo û vat: “Rêxistinbîyayîşê cinîyan ra tersenê.”

 

22ê Gulane de Amed de hemverê aktîvîstê TJA û endamê Komeleya Cinîyan a Rosa, operasyon ame kerdene de 18 kesî ameyî destbendkerdene û 12 kesî zî ameybî tepiştene. Sewbîna semedê endama Meclîsê Dayîkê Aştîye Havva Kirane zî cezaya hepsê keyeyî amebî dayene. Reaksîyonê vera tepiştişan dewam keno. Sewbîna çarçewaya tehqîqato ke Serdozgerîya Komara ya Amedî dabi destpêkerdene de rojêk verê (7 hezîrane) sereştişê keyeyan ame kerdene û endama Komeleya Cinîyan a Rosa Suzan Îşbîlene û Gulîstan Nazliere zî tede 6 kesî ameyî tepiştene.

 

Forumê Cinîyan ê Yogurtçu Selîn Tope hêrişê vera TJA û Komeleya Cinîyan a Rosa ercna û vat, nê çîyêke yenê ciwîyene netîceyê bêtehemulîyê AKPyî yê hemver têkoşînê cinîyan vejîyayo meydan.

 

‘Vînenê ke cinî xo rêxistin kenê’

 

Selîne da zanayene ke Tirkîya de seke rêxistinê cinîyan û femînîstan pîya têkoşîn kenê û vat: “Seba pêro hêrişê ke TJA û Komeleya Rosa ameyê kerdene, hemverê pêro cinîyan ameyê kerdene. Cinîyê ke vera ferasetê ‘cinîya makul’ têkoşîn kenê, kuçeyan de manenê, seba keda xo têkoşîn kenê û rastê hêrişan yenê. Hewl danê ke înan bitersnê. Bi prosesê OHALî dir vernê de hêrişê komeleyanê cinîyan kerdî. Wazenê komeleyanê cinîyan çin bikerê. Wazenê STKyan girêdayîşê xo bikerê.”

 

‘Ma bi sucdarîyê vengan dir rîbirî yê’

 

Selîne arde ziwan ke rojêk verê operasyonî cinî vera pêameyîşê vernî hêrişê cinsî yê domanan akeno de kuçeyan de bîyê û wina vat: “Rojêk dima tepiştişî ameyî kerdene. Persê seke, ‘çira şima vat aşitî?’ yan zî ‘çira şima seba 8ê Adare veng kerd’ ameyî persene. Ma bi sucdarkerdişanê vengan dir rîbirî yê.”

 

‘Nêeşkenê têkoşînê cinîyan bidê vindarneye’

 

Selîne dîyar kerde ke îqtîdarî prosesê pandemî goreyê xo xebitnayo û nê çî vat: “Qanûnê îstîsmarî danê munaqeşekerdene, xoza talan kenê, hemverê rêxistinan hêrişan kenê. AKP vera ke hemverê vîrusî tedbîran bigîro hêrişê komeleyê cinîyan keno. Sewbîna qanûnê hûmara 6284 zî dayê vindarnayene. Fikrîyenê ke cinîyan senîn sîyaset ra dûr bifînê. La tu tehdîd nêeşkeno têkoşînê cinîyan vindarno.