QAMIŞLO - Heyetê Weşîye yê Vakur û Rojhelatê Sûrîye da zanayene ke 14 kesê bîn herême de bi vîrusê koronayî kewtî, hûmara pêroyî resa 609 kesî.

 

Hemserekê Heyetê Weşîye yê Vakur û Rojhelatê Sûrîye, Ciwan Mistefa dîyar kerd ke 14 kesê bîn herême de bi vîrusê korona kewtê. Sewbîna mîyanê 24 saetê vîyarte de 19 kesê bîn rewşa înan vîrus ra baş bîya.

 

Cayê ke vîrus vila bîyo: Hesekê de 6 kesî, Dêrik de 3 kesî, kesêk Tirbespîye, Dirbêsiyê 2 kesî, kesêk Qamişlo û kesêk zî Dêrezorî. Ciwanî dîyar kerd ke nê dir hûmare resaya 609 kesî û nînan ra 40 kesî dinyaya xo bedilnaya û 146 kesî zî rewşa înan baş bîya.