MÊRDÎN - Domano bi nameyê M.E. Mêrdin de sûc ci rê ame ferzkerdene, hemverê datkênaya xo îstîsmaro cinsî yê sîstematîk kerd. Domana ke bi hêrişî dir rî bi rî mende, keye ra rema û derheqê M.E de zî îdianame ame amadekerdene.

 

Qoserê Mêrdînî de domano bi nameyê M.E. yo ke sûc ci rê ame ferzkerdene, hemverê domanêka bîn serrêke hêrişê cinsî kerd. Hêrişê cinsî 2019 de ame kerdene û domana mexdur serê nê de keye ra rema. Serê gerrekerdişê keyeyî de domane derûdorê teyaregehî de hetê polîsan ra ameye vînayene û îfadeyo ke da de zî dîyar kerd ke hetê datîza xo M.E. ra bi hêrişê cinsî dir rî bi rî ameya û coka keye ra remaya. Tehqîqayo ke ame destpêkerdene de derheqê M.E de sûcê ‘hêrişê cinsî yê hemverê domane’ îdianame ame amadekerdene.

 

Ame waştiş ke gumanbar bêro cezakerdene

 

Îdiname hetê Dadgeha Cezaya Giran ya Domanan ê Mêrdînî ra ame qebûlkerdene û îdianame de îfadeyê M.E. yê seke ‘Pîyê datkênaya mi çin a. Hişê aye serê aye de nîyo. Zûran kena’ ca girewt.

 

Îdianameyo ke ercnayîşê psîkologan ca girewt de, ame vatene ke domane wayîrê fehmî û emro ke eşkena xo îfade bikero de ya. Dozgerî dîyar kerd ke îfadeyê domanan samîmî yê û vat, ganî gumanbar bêro cezakerdene.

 

Roniştiş yewin teşrîna peyêne de yo

 

Dewaya ke îdianameyê ci ame qebûlkerdene, yewin roniştişê ci 5ê teşrîna peyêne de do Edliyeyê Mêrdînî de bêro vînayene.