ŞEHBA - Îdarekar û Endamê Yewîya Cinîyê  Ciwanan Kantonê Efrînî de amancê viraştişê hemleyê, 'Ma vanê ney’ ercnayî û vatî: "Ma do bi ruhêk yewîye hemverê tecawiz, xokiştişî, qetilkerdiş û şîdetî de têkoşîn bikerê.”

 

Hemverê şîdet û qetilkerdişê cinîyan, Yewîya Cinîyê Ciwanan ê Kantonê Efrînî 17êêlule de beşdarê hamleyê 'Ma vanê nê’ bî û dest bi rêzeçalakîyê hemverê zewacê emrê qij de, şîdet û qetilkerdişê serê cinîyan kerdî. Derheqê hamleuî de Îdarekar û  Endamê Yewîya Cinîyê Ciwanan ercnayîşê xo ma dir pare kerdî.

 

‘Ma nêverdenê îrade û bîyayîşê ma çin bibo’

 

Îdarekarîya Yewîya Cinîyê Ciwanan ê Kantonê Efrînî, Ferîde Nesen bale ante serê rêzeçalakîyê cinîyê  ciwanî û wina vat: “Heme cayen de cinî rastê şîdet û qetilkerdişî yenê, ma zî beşdarê hemleyî bî ke ma vengê xo berz bikerê û nêverdê cinî rastê şîdetî û qetilkerdişî bêrê. Nika Rojawanê Kurdistanî de şorişê cinî ame kerdene, cinî bi serewedaritişê xo yena naskerdene û xeylê cinî ke bî sembolê azadî. Têkoşînê cinî her ke şona pîl brna û îqtîdarî nê qebul nêkenê. Seba ke îradeyê cinîyan bişikinê, heme waran de hêriş kenê. La se beno wa bibo, ma nêverdenê îradeyê ma çin bibo. Rêzçalakîyan de rêxistinkerdiş, perwerdekerdiş, rayrayîş, semîner û tîyatro estê.”

 

‘Ma şîdet red kenê’

 

Îdarekarîya Yewîya Cinîyê Ciwanan ê Kantonê Efrînî Esma Xelîl serê hemleyî de wina vat: “Hemleyê ma serê sewîyaya Rojawanê Kurdistanî de dest pêkerd û ma  çalakîyê tewir bi tewir qetilkerdişê cinîyan şermezar kenê. Temamê cinîyê ciwanî hemleyî de cayê xo gênê û ma heme bi yew destî çalakîyê ke yenê kerdene, şîdetî red kenê. Seba nê hêrs û kînê ma hemverê îqtîdaran hîna zêde beno. Ma bi vindertişê xo ramojnenê ke şîdetê hemverê cinîyan qebul nêkenê. Ma do bi ruhêk yewîye hemverê tecawuz, xokiştiş û şîdetî têkoşîn bikerê.”

 

‘Ma tedayê serê cinîyan qebûl nêkenê’

 

Vervatoxa Cinîyê Ciwanan ê dewa Babinêsî ya Şehbayî, Zîn Henan zî seba  hemleyî wina vat: "Hemleyê ma bi amanvê zanabîyayîş  û perwerdekerdişê cinîyan o. Ma qetî şîdet û qetilkerdişê cinîyan qebûl nêkenê. Rojane cinî bi îşkence û qetilkerdişî ra derbaz benê. Waştişê ma oyo ke ma xo biresnê heme cinîyan û înan zana bikerê ke hemverê şîdetî xo bipawê.”