MERKEZÊ XEBERAN - Bi wesîleyê 3in sergerra awankerdişê JINNEWSî rê cinî ajansê ma rê qisey kerdî û vatî: “Bîyayîşê muxabirêkê micadeleyê ameyo awankerdene ê sey JINNEWSî ke hemverê îqtîdarî yo, hêz dano çalakîyanê ma. Başo ke esto."

 

JINNEWS 25ê êlûle 2017 de bi sloganê, ‘bi qelema cinîyan, rêça heqîqetî de' dest bi weşan kerd û hîrê serrî pey xo verda. Ajansê ma ke bi ferasetê xeberdarîyê ke cinî, doman û ganeyan esas gêno, rayîrê xo de dewam keno û heta ewro zî hemverê zîhniyetê serdestî ya camêrdan micadele dayo.

 

Mîyan de sîyasetmedar û huqûqnas zî estê, cinîyan prosesê hîrê serran ê JINNEWSî qalî kerd:

 

Sereka Merkezê Heqê Cinîyan ê Baroyê Amedî Asli Pasînlî: Rojnamegerê cinî yê bi JINNEWSî bîyayîşê xo vetî teber ne bi fehmê rojnamegerîyêk esto, eynî wextî de projeyêk komelî yê bixo yê. Hewl danê bi perspektîfê cinîyan xeberan vejê werte û hewldanê ke înan wina yo. Heme xebatkarê JINNEWSî cinî yê. No zî xeylêk çî ramojna ma. Ma Merkezê Heqê Cinîyan ê Baroyê Amedî paştdayîş danê cinî ke heqê înan ameyê îhlalkerdene. Ma wexto ke paştdayîş danê zî bi JINNEWSî dir xebityayîne. No het ra paştdayîşê ma seba ma virazêno. Ma seba nê JINNEWSî spas kena.

 

Aktîvîsta TJA û endama PMyî ya HDPyî  Şerîfe Yildirim: Çapemenîyêke ke ziwanê ci zûr a û şîdet hewêneno, bi taybetî cinîyan erzenê planê diyîn. Seba ziwanêko yewpawite esto. Eke merdimî ziwanê xo bivurnê, merdimî eşkenê endîşeyê xo zî bivurnê. Ganî ma vatişê cinî, her ca de zêdeyêr bikerê. Ma her wareyê cu de sey çapemenî de zî ca bigîrê. Ez seba JINNEWSî zî hîna zaf serran umîd kena.

 

Endama Komîsyonê ÎHDyî Îzmîrî Ayşenur Kîzaroglu: Komelêk ke serê kiştişê cinîyan, îstîsmarê domanan yeno nimte de bîyayîşê ajansêk sey JINNEWSî zaf girîng o. Vera ziwanêk ke gumanbarê tecawuzî paweno, verê nê nîjadperestî de, xebitnayîşê ziwanêk ke bindestan paweno, seba pawitişê têduştîyê cinsê komelî hetê têkoşînê cinîyan de zaf girîng o.

 

Aktîvîsta Paştdayîşê Mor: Denîz Uslu: JINNEWS heme çalakîyê cinîyan de esto, Her wext verê cinîyê ke seba vengê cinîyan bidê eşnawitiş, yan zî cuya înan bipawê yo. Hewl danê ke vengê cinîyan bidê eşnawitiş. No hetê tevgerê cinîyan de zaf girîng o. Seba ke wazenê, vengê cinîyan bipelçiqnê. Bi umîdê xeylê serrê bîn. Hîrên sergerra JINNEWSî pîroz bo.

 

Hemsereka Pêroyî ya ÎHDyî Eren Keskîn: Awanbîyayîşê JINNEWSî zaf girîng o. Seba ke rojnamegerî de hewcedarî bi ewnîyayîşêk cinîyan esto. Goreyê mi JINNEWS nê çî keno. JINNEWS sey dewamê Gurbetellî Ersozî yo. Ez wina fikrîyena.

 

Nuştoxa Femînîst Hulya Osmanagaoglu: Bi pîlbîyayîşê têkoşînê femînîstî dir ma dî ke ziwanê cinî, xeberdarîyê cinî têkoşînê ma de çiqas bi erj o û ma nê rayberîyê JINNEWSî de dî. Verê ma debîyayîşê JINNEWSî zaf girîng o û seba hêz dano çalakîyanê ma.

 

Vervatoxa HDKyî îdîl Ugurlu: JINNEWS, yewin ajansê cinîyan û xeberan yê dinya yo. Ajansêk xeberan ê objektîf û bêhet o. Baş o ke esto. Ma daîmî taqîb kenê. Ci rê serkewtiş wazenê.