ENQERE - Çarçewa tehqîqatê Kobanî de hemşaredar û wekîlê verênî yê HDPyî zî tede xeylêk kesî ameyî destbendkerdene.

 

Serdozgerîya Komare ya Enqere derheqê çalakîyanê Kobanê yê 5-9ê teşrîna verên a 2014 î de 7 bajaran de derheqê 82 kesan de qerarê destbendkerdişî da. Xeylêk hemşaredar û wekîlê verênî yê Partîya Demokratîke ya Şaran (HDP) zî tede ameyî destbendkerdene.

 

Hemşaredarê Qersî Ayhan Bîlgenî, wekîlê verên ê HDPyî ê Enqere û Endamê Heyetê Îmraliyî Sirri Sureyya Onder, Endamê HDPyî yê RTUKî Alî Urkut, Endamê Komîsyonê Karanê Teberî yê yê HDPyî Nazmî Gur, Endamê verên ê merkezê HDPyî Can Memiş, wekîlê verên Altan Tan, Emîne Ayna, Endamê MYKyî Alî Urkut, Beyza Ustun, Gulfer Akkaya, Alp Altinors, Gunay Kubilay û Dilek Yagliye zî te xeylêk kesî sereştişê keyeyanê înan de ameyî destbendkerdene.