MÊRDÎN - Vervatoxa Demî Tevgerê Cinîyan ê Azad TJAyî Ayşe Gokkan cuya xo de 83 rey ameye destbendkerdene û heta nika hûmarêk zêde dewa serê nameyê aye de ameyê akerdene.

 

Vervatoxa Demî ya Tevgerê Cinîyan ê Azad (TJA) Ayşe Gokkan 30ê teşrîna verêne de pêwa 13 kesan Amed de ameye destbendkerdene. Dosyaya îanan de qeraro nimte amebi dayene la goreyê zanayîşê ke ameyê girewtene, çarçewaya tehqîqato ke serra 2014 de Mêrdîn de ameye akerdene de ameyî destbendkerdene. Ayşe Gokan pêwa 13 kesî eynî roje de ardî Mêrdînî û dozgerî heta roja dişeme qerarê destbendkerdene derheqê înan de ame girewtene.

 

Ayşe wextê Nisebîn de şaredar bî, derheqê nê prosesî de bi qasê 200 dosyaya tehqîqatî amebi akerdene. Yan zî teberê ci de mabêne 5 serran de bi sebebê, “Endamîya Rêxistine” şaristanê cîya de 5 dewayê cîya derheqê aye de ameyê akerdene. Bi nê destbendkerdişî dir Ayşe Gokkan pêroyî de 83 rey yena destbendkerdene.

 

'Proseso ke yeno kerdene huqûqî nîyo'

 

Goreyê zanayîşê ke ma avûkatanê Ayşe Gokkan girewt, Ayşe pêwa nê destbendkerdişê xo 83 rey o ameye destbendkerdene. Mabêne 5 serran de şaristanê cîya de bi sucdarkerdişê, “Endamîya Rêxistine” ra 5 dewayê cîya ameyê akerdene. Dewayê ke Dîlok, Amed û di zî Mêrdîn de ameyê akerdene. Bi sebebê eynî dewa hetê serdozgerîya Dadgeha 9in Giran ê Amedî serê yewbînan de ameyî komkerdene. Yeno pawitene ke dosyaya peynî ê sûcê, “Endamîya Rêxistine” ameye akerdene serê înan de bêro zêdekerdene.

 

Avûkatê Ayşe Gokkan, Muharrem Şahîn qiseykerdişê xo de va, no proses bi hawayêk huqûqî nîno kerdene û wina va: "Eynî merdime eynî wextî de şaristanê cîya de senîn endamîya rêxistine kena. Dewaya ke bi no sucî; Mêrdîn, Dîlok û Amed de ameyo akerdene, hetê serdozgerî ra zî manayîn nêame vînayene û coka nê sebebî ra serê yewbînan de ame komkerdene. Ma bawer kenê ke do dosyaya peyîn serê înan de bêro zêdekerdene. No nîno qebûlkerdene. Nisêbîn de zî bi seyan dosya aye estê."