WAN - Dîlan Aya ke seba şîdetî mêrdeyo ke ci dir ameya zewicnayne vera da û seba stargehî xeylê şaristanan de geyraya va, "Tu cîyayê mabêne stargeh û zîndanan de çin o la mecbûrî manenê."

 

Seba sersarîyê dewlete tena 8 rojan de 15 cinî hetê merdimanê xo ra ameyî qetilkerdene. Dewleta ke bi polîtîkayê bêceza hêz dana camêrdan seba cinîyê ke têkoşînê cuye danê zî, "stargehê cinîyan" ramojneno. Cinîyê ke mecbûrî şinê stargehan, xeylê zehmetî ciwîyenê û semedo ke stargehê veng çinê xeylê şarsitanan yenê gernayîş. Nê cinîyan ra yew ci ra zî Dîlan Ay ya ke stargeh de mendêne û seba ke mendişê aye stargehî bimano pir bîyo ci ra ameye vetene.

 

'Teber de zî bimanî ez fek têkoşîn ra vera nêdana'

 

Dîlana ke seba şîdetê camêrdî dima ra ameye vera dayene stargehê Sêrt, Amed, Muşî de bi ca bîya û hemverê şîdetî têkoşîn dana ya. Dîlane her stargehê ke şîya yan seba problemê ke ciwîyaya yan zî problem ameya vînayene mecbûr menda ke cayê xo bivurna. Dîlane va: "Eke lazim bikero, ez o her roje şêrî şaristanêk bîn, teber de bimana la ez o têkoşînê xo yê hemverê şîdetî dewam bikerê."

 

'Kesê ke cuya mi asteng kenê gêj ê'

 

Dîlane derheqê şîdetê ciwîyaya wina va: "Her wext dayîne sereyê mi ro, kuyayîş ra bedenê mi birîn bîne, mi hewl dayîne ke bi dermanan birînê xo rehet bikerî. Dimayê demêk seba ez huyayîne, însanan mi ra vatêne gêj a. Tewr peyîn pîyê mi seba gêjîyê mi rapor vet. LA ez gêj nîya, kesê ke heqê min ê ciwîyayîşî asteng kenê gêj ê. Na dinya de her kes stargehêk înan esto, la ê mi çin o. eke wan heye lê ya min tune ye. Semedo ke rewşa min a ekonomî çin a, destûr nêdano ez nêeşkena domananê xo zî bîyarî verê xo."

 

Dîlane dîyar kerd ke û wina dewam kerd: "Wezîfedarê stargehî ma ra vanê 'cayê ke şima rakoyî estê û werdê şima zî esto seba nê şikir bikerê.' Tu cîyayê stargehan zîndanan ra çin o. Wexto ke merdim uca bimano zî tewr zêde 6 mengî yo. Dimayê ke no wext pirr bibo kaxidêk bi ma danê îmzakerdene û ma vejenê. Heta tu stargeh de bê ti nêeşkena cayêk bixebityê. Eke ti biwazê bixebityê nêverdenê ke ti stargeh de bimanê. Qet nêbo ganî ma 2 mengî destûr bidê ke ma bixebityê, lazimîyê xo pêşwazî bikerê û wina vejîyê. La o zî çin o. Ez wazena bixebityî la kar çin o. Seba ke serê lingan de bimanî ganî bixebityî."