ÎZMÎR - Roja 200î grevê vêşanîye de merdimê tepişteyan û pawitoxê heqî, veng dayî rayaumûmî, wezaretê dade û dozgeran ke derheqê grevan de tewr zêde berpirsyarî bigîrê.

 

Greva vêşanîye hetê tepişteyan ra bi amancê wedaritişê tecrîdê serê  Rayberê PKKyî Abdullah Ocalanî û binpaykerdişê heqan bêrê wedaritene, ame destpêkerdene roja 200yî de yo. Merdimê tepişteyan û sîyasetmedaran veng dayî komelê demokratîk û serdozgerê komare kerd verê xo bidê zîndanan.

 

'Waştişê înan merdimayî yo'

 

Îdarekarîya Komeleya Keyeyê Tepişteyan ê Egeyî (Ege TUHAYDER) Selma Altan: Serê girankerdişê tecrîdê serê Îmraliyî de 27ê Adara 2020ine de heta nika grevê vêşanîye yê bêdem û bidor dewam de yo. Waştişê înan wedaritişê tecrîdê serê Ocalanî û binpaykerdişê heqan yê zîndanan o. Komel çimanê xo padano. Verê zî grevî ameyî kerdene. Zîndanan ra cenazeyî vejîyayî. Nika rewşe reyna wina dewam kena. Dewlete vengê tepişteyan nêeşnawena. Ganî her kes wayîrê bi wijdanî vengê xo berz bikerê. Ma vengê înan bieşnawê û verê xo bidê zîndanan."

 

'Ma nêwazenê yew vindîbîyayêk bîn bibo'

 

Merdima tepişteyî Nîlay Guleser: Waştişê tepişteyan wedaritişê tecrîdî yo. Verê grevan de tepişteyî dinyaya xo bedilnayî. Ma nêwazenê  reyke bîn no bêro ciwîyayene. Ma wazenê vengê xo bidê eşnawitiş. Ma veng danê selahîyetdaran. Wa tecrîd wirzo û waştişê tepişteyan verê çiman de bêro girewtene."

 

Hemsereka HDPyî Konakî Hayat Îzgî: Îmrali de tecrîdêk pîl esto. Semedê nê grevî dest pêkerdî. Bi 200 rojî yo. Xêrcê bedenê înan çîyêk destê înan de çin o. Derheqê tecrîdî de tu çîyêk nînokerdene. Semedê nê grevî dewam kenê. Wa goş bidê tepişteyan û wa reyke bîn kezeba mayan nêveşo.

 

'Ganî sebebê grevan baş bêro famkerdene' 

 

Hemsereka HDPyê Bayrakli Ayşe Silik: Ganî goş bidê waştiş û vatişê înan. Xora tepişteyê û destê înan ra çîyêk nîno. Semedê nê bedenê xo dayî verê vêşanî. Ganî waştişê înan baş bêrê famkerdene. Ganî bêro zanayene çira ê xo vêşan verdenê.

 

Endama Komîsyona Zîndanan ê ÎHDyê Îzmîrî Eylem Zengîn: Semedê grevan, tepişteyî rastê cezayê dîsîplînî yenê. Reyan aşmêke reyan hîrê aşmî bername yenê qedexekerdene. Ma bi rêk û pêk zîndanan taqîb kenê. Ma raporan amade kenê û pare kenê. Na babete de berpirsyarî keweno serê wezaretê dade û serdozgerê komare. La çi heyf muxatabêk çin o û waştişî bi ca nînê. Ma veng danê wezaretê dade û rayaumîmî ke wayîrê grevan vejîyê.