WAN - Taxê Beyuzumu, Seyrantepe û Duzyolî yê girêdayê Tuşbayî yê Wanî semedê laser rawişt xeylêk  keyeyî zirar dî û xeylêk sewalî telefî bî. Roniştixê taxe dîyar kerdî ke hîrê  rey laser wurzeno û vatî tu tedbîr nîno girewtiş. Endama Meclîsê Şaredarîya Tuşbayî ya HDPyî Ayşe Mînaz dîyar kerd ke şaredarîya ke qeyûm tayînê ci bîyo, dimayê laserî xebatkarê ci nêşîyê taxe û vat, hesasîyetê semedê bajarê bînan yenê nîşandayî, wa Wanî zî bêro nîşandayî.

 

Taxê Duzyol, Seyrantepe û Beyuzumu yê Tuşbayî yê Wanî semedê laser xeylêk keyeyî zirar dî û ame sewîyeya ke merdimî nêeşkenê ci de biciwîyê. Welatijê taxe reaksîyon nîşanî rewşe dayî û dîyar kerdî ke taxe problemêk binsazgehê ke nîno çareserkerdiş esto.

 

Roniştoxê qezaye 3 rey o bi lesar dir yenê têhet  

 

Roniştoxê taxe Behîce Acar dîyar kerd ke dimayê şilîye laser rawişto û keyeyê aye zirar dîyo û vat: "Awe kewt banê mi û  rabûye û xaniyê wê zirarek mezin dîtiye û laser de des kergê mi merdî."

 

Cinîya bi nameyê Feyruz Denîz zî dîyar kerd ke no reya hîrên o û vat: "La na rey şewe bi û xeylêk bi şîdet bi. Semedê nê ma zaf tersayî."

 

'Çîyêk ma nêmend'

 

Medîne Durmaz ke keyeyê zaf zirar dî û Meryem Dalhan ke awe kewte bodrumê aye û xidayê aye binê awe de mendî wina vatî: "Heme xidayî uca de bî. 6 çewal ardan, 2 çewal birinc, 3 çewal şekir, simaq, nîske, her çî uca de bi la çîyêk nêmend. Mi amadekarîyê zimistanî kerdibi la her çî binê awe de mend. Zirarê ma zaf zêde yo."

 

Nazmîye Guneş zî wina vat: “Heme xidayê ma yê zimistanî binê awe de mendî. Problemê binsazgehî û rayîrî esto. Xidayê ma nêmendî. Binê awe de mendî. Kitabê tutanê mi binê awe de mendî. Roniştoxê taxe bêçare yê. Êdî bes o. Ma bêzar bîyê.”

 

Cahîde Gulmez û Ayşe Dalga yê ke keyeyê înan binê awe de mendê zî nerazîbîyayîşê xo ardî ziwan û reaksîyon ramojnayî.

 

'Semedê laserî xeylêk keyeyan zirar dî'

 

Endama Meclîsa Tuşbayî ya HDPyî Ayşe Mînaz ke dimayê laserî şî serdayîşê keyeyan wina vat: "Keyeyî ameyê sewîyeya ke nêeşkenê bêrê xebitnayîş. Ma sey heyetê HDPyî, bi taybetî sey Koma Meclîsê Şaredarîya Tuşbayî ameyî taxe. Semedê laserî xeylêk keyeyan zirar dîyo. 6 keyeyî hewcedarîyê înan bi starbîyayîşî esto. Ganî pêwa starbîyayîşî, hewcedarîy xida, hacetê weşî bêrê temînkerdiş. Ma wexto ke ameyî taxe ma musayî ke xebera selahîyetdaran ci ra çin a. Welatijan mabêne 03.00 û 05.00 de Vaskî gêrayê. La selahîyetdarî bi îmkanê xo mudaxale kerdê. Dayîkan û ciwanan bi satil û bêran awe vetê."

 

'Wa semedê Wanî zî bêro kerdiş' 

 

Ayşe ke welatijan ra zanayîş girewt, dîyar kerd ke do kombîyayîşê meclîsê şaredarî de semedê hewcedarîyê keyeyê ke zirar dîyê, veng bido û veng da qeyûm û vat, hetkarî semedê bajarê bînan ameyo kerdiş wa semedê Wanî zî bêro kerdiş.