AMED - Vervatoxa Serdemî ya TJAyî ya tepişteyî Ayşe Gokkan seba cinîyê ke şînê dayîke ci rê sersaxî waştî spasîya xo pêşkêş kerd.

 

Dayîka Vervatoxa Serdemî ya Tevgerê Cinîyan ê Azadan (TJA) Ayşe Gokkan, Lutfîye Gokkan 31ê Tebaxe de Pirsûsê Rihayî de dinyaya xo bedilnaye. Xeylêk cinîyê Vakur û Tirkîya de û sewbîna rêxistinê cinîyan waştişê sersaxî seba Ayşeya ke destûr nêame dayîş beşdarê şînê dayîka xo bibo, neql kerd.

 

Ayşe semedê sersaxî spasîyê xo pêşkêş kerd. Ayşe mesajê xo de wina vat: "Ez cinîyê ke qitayê cîya yê dinya de yê, herême û welatê cîya, aktivîst, endamê sazgehan, platforman, tevgerê cinîyê Rojhelatê Mîyanên, hemrayê mi, tevgerê cinîyê kurdî, embazê min ê ke ma pîya têkoşîn kenê înan rê spas kena ke mesajê xo yê sersaxî semedê dayîka mi Lutfîye şawitî. Nê mesajî mîyanê çar dêsan de mi rê bî moral. Ez o bi nê ruhê paştdayîşî têkoşînê xo yê cinîya azad û komelê azad ke ça beno wa bibo, binê kam ci şertî de beno wa bibo bê guman dewam bikerî. Semedê şertê min çinbî ez şima hemine rê yew bi yew mesajê xo yê spasî neql bikerî coka hêvî kena şima mi efû bikerê. Coka mi waşt bi temamî mesajêk pêroyî pare bikerî. Şima pêrûne rê heskerdiş û silamê germî."