DÊRSIM - Waya Gulîstan Doku ke 650 rojî yo zanayîş ci ra nîno girewtiş, Aygul Doku serê medyaya dîjîtalî de veng da Wezîrê Dade Abdulhamit Gulî û vat: "Bi nêvînayîşê Gulîstane edalet bi ca nîno.

 

Waya wendekara Unîversîteya Mûnzûrî Gulîstan Dokû ke 5ê Çeleyê 2020’î ra Dêrsim de vînîbîyaye ya û tu xebere ci ra nîna girewtiş Aygul Doku, serê hesabê xo yê medyaya dîjîtalî de veng da Wezîrê Dade Abdulhamît Gulî.  

 

'Nêvînayîşê Gulîstane edalet nîyo'

 

Aygule wina vat: “Cayêko sey Dêrsimî ke her cayê ci bi kamerayan û kuleyanê leşkerî yeno taqîpkerdene de waya mi Gulîstan Dokuye ra hema zî tu xeberêke çin a. “Edalet nêvînayîşê Gulîstane û muhakemenêkerdişê kesê ke Gulîstane derb kerdî nîyo. Edalet keyeyo ke kênaya xo vînî kerdo rê ‘kênaya şima vînî bîya û ez şima hukma kena’ nîyo. Şima Gulîstane nêvîna, Zainal Abarakovî hukm nêkerd û  ser de zî şima keye hukm kenî. Wexto ke beno şewe şima domananê xo rê senî vanê ke şima Gulîstane tarî de vera da, şima keyeyê aye hukm kenê û şikdaran hukm nêkenî? Şima eşkenê înan bivajî?”