MERKEZÊ XEBERAN - Goreyê  çeteleyê ma yê menga teşrîna verêne, 23 cinî ameyê kiştiş û 14 cinî zî bi hawayêke guman dinyaya xo bedilnayê.

 

Semedê polîtîkayê bêcezaverdayîşî  her roja ke derbaz beno hûmara kiştişê cinîyan zêde bena. Dimayê ke Tirkîya Pêkerdişê Stenbolî ra xo ant, tewr zêde serebûtê desteştişî, şîdet û kiştiş zêde bi. Goreyê dayeyê ma arêdayî, menga teşrîna verêne de tewr tay 23 cinî ameyê kiştiş û 14 cinî zî bi hawayêke guman dinyaya xo bedilnayê.

 

Tewr zêde cinî Stenbol û Konya de ameyê kiştiş. Stenbol de 6,  Konya de 4 û Îzmîr de zî 3 cinî ameyê qetilkerdiş. Goreyê dayeyê na menge desteştişê 5 tutan ameyo kerdiş û 3 tutî zî ameyê kiştiş û tutêk/e zî bi hawayêke guman dinyaya xo bedilnayo/ya. 9 cinî hetê camêrdê ke înan dir zewicnayebîyê ameyê qetilkerdiş. 2 cinî hetê lajanê xo ra, cinîyêke zî hetê camêrdê ke waşt aşt bê ra ameye qetilkerdiş. Bajarê; Stenbol de 6, Konya de 4, Îzmîr de zî 3 cinî ameyî qetilkerdiş.