WAN - Avûkata OHDyî Leyla Kaplan derheqê tecrîdê serê Rayberê PKKyî Abdullah Ocalan û binpaykerdişê heqan ê zîndanan de qisey kerd û vat: “Tecrîd sucê merdimayî yo. Caardişêk gerek dewam nêkero yo. Çîyo ke tepişteyê nêweşan ver bi mergî beno zî tecrîd o.”

 

Tecrîdê giran yê serê Rayberê PKKyî Abdullah Ocalanî dewam keno û binpaykerdişê zîndanan zî roj bi roje zêde beno. Heto bîn ra zî tepişteyê nêweşî rewşa înan her ke şina giran bena. Tepişteyê nêweşî ne yenê  dermankeediş ne zî yenê tahliyekerdiş. Menga peyîn de hûmara tepişteyê ke şîyî rehm bî 6 û wezaretê dade zî eşkerayîyêke derheqê babete de nêda.

 

Avûkata Komeleya Huqûqnasê seba Azadîye (OHD) ya Wanî Leyla Kaplan derheqê binpaykeedişê heqan ê zîndanan de qisey kerd.

 

‘Waştişê tepişteyan bi ca nêanê’

 

Leylaye wina dîqet ant serê babete: “Şert û mercê zîndanan semedê tepişteyê nêweşan ca de nîyê. Waştişê tepişteyan bi ca nînê. Waştişê sewqkerdişê nêweşxaneyan nînê kerdiş. Hîn tepişteyî hucreyê yew kesî de manenê û dermananê xo zî nêeşkenê tena bixebitnê. Nêeşkenê tena cuya xo dewam bikerê. Îdarekarê zîndanan nê nêvînenê. Demê peyîn de xeylêk tepişteyan şîyî rehm û 2020 heta nika bi 9 tepişteyê nêweşî dinyaya xo bedilnenê. La selahîyetdarî hewceyê tedbîr û vernîgirewtişêk nêvînenê’

 

‘Bi kêfî nînê veradayene’

 

Leyla bale ant serê caardişê kêfî yê zîndanan û dîyar kerd ke tepişteyê ke ganî bêrê tahliyekerdiş bi kêfî nînê veradayîş û no huqûqî nîyo. Leyla vat, cipersayîşê dîsîplîn û sewbîna semedo ke tepişteyî poşmanî qebûl nêkenê nînê veradayîş û prosesê huqûqî yê tepişteyê ke nînê tahliyekerdiş dewam keno.

 

‘Tecrîd sucê merdimayî yo’ 

 

Leyla dîqet ant serê tecrîdê tepişteyan û wina vat: “Tecrîd sucê merdimayî yo. Tecrîdê Îmraliyî û zîndanê bînan girêdayê yewbînan o. Ganî peynîya tecrîdî bêro kerdiş. Sazgehê Komelê Sivîl, Baro, NY, Pêkerdişê Heqê Merdiman ê Ewropa hemverê tecrîdî yê. La herême de çi heyf vera ci çin o. Tu hetê huqûqîyê  tecrîdî çin o.”

 

‘Îdarekarî întîhar Garîbe rê ferz kerd’

 

Leyla tewr peyîn wina vat: “Vedat Erkmen ke dinyaya xo bedilna, bi desan rey waşto ke şêro qawîşa xo. La bi mehnaya asayîşî berdê qawîşa yew kesî. Ma vajê uca de întîharêk esto zî sebebê ci qetî îdarekarê zîndanî yo. Sebebê ke ci rê întîhar ameyo ferzkerdiş. Garîbe Gezer tena mende û butonê hetkarîya lezgîn dewre ra vetibî. Eke întîharêk bibo zî reyna îdarekarê zîndanî ci rê ferz kerdo. Nê heme netîceyê polîtîkayê tecrîdî de yenê kerdiş. Xeylê tepişteyî nêwazenê şêrê nêweşxane. Semedê tedbîrê Covîd-19. Semedo ke demo agêrênê hucrayê yew kesî de manenê. Coka tepişteyê nêweşê giranî zî nêwazenê şêrê nêwaşxane.”