AMED - Kongreya 3ine ya fermî ya Meclîsê Ciwanan ê HDPyî bi coşêke pil dest pêkerd. 

 

Meclîsê Ciwanan ê Partîya Herêma Demokratîke 3ine  Kongreya xo ya Fermî Eywana Kaplan City yê qezaya  Kayapinarî ya Amedî de ca gêna, kerd. Seba beşdarbîyayîşê Kongre, herême ra û cayê cîyayê Tirkîya ra bi se yan ciwanî ameyî Amed. Ciwanî bi cil û belgê xo yê adetî beşdarê cayê kongre bîyî.

 

Ciwanî binê cigêrayîşê polîsan ra derbas bîyî. Xeylê ciwanê ke waştî bi cil û belgê xo yê adetî beşdarê kongre bibê ameyî astengkerdiş. Polîsan cîwanan kerdî ablûqa. Muxabiranê ke waşt dîmenê ablûqa biancê zî hetê polîsan ra ameyî astengkerdiş. Ciwanê ke ameyî ablûqakerdiş govende gêrayî û bi sloganê "Şal û Şepikî rûmetê ma yê" berz kerdî. Ablûqakerdiş hema dewam keno. 

 

Zereyê eywana kongreyî de zî govende ameye kerdiş û sloganê "Cinî Cuye Azadî", " Ciwanî Rayîra şinê Erd û Asîman Lerzeno", " AKP do hesab bido Şarî", " Biciwîyo Xoverdayîşê Zîndanan" û " Biciwîyo Serek Apo" ameyî berzkerdiş.