Nişmiye Guler

 

STENBOL - Avûkata Buroyê Huqûqî yê Asrinî Razîye Ozturk dîyar kerd ke tecrîdê Îmralilyî 2021ê de tewr giran bîyo û hemverê nê tecrîd wareyê Tirkîya û mîyanneteweyî de zêdeyêr bîyo û vat: "Hema zî serdayîşî nînê kerdiş. No zî nîşan dano ke Tirkîya bi cidiyet nêzdîyê raporê CPTyî nêbena."

 

Rayberê PKKyî Abdullah Ocalanî 23 serrî yo Îmrali de binê tecrîdê giran de yeno tepiştiş. 25ê Adara 2021 ra heta nika tu zanayîş ci ra nîno girewtiş. Buroyê Huqûqî yê Asrinî seranserê serre seba pêvînayîşî bêro kerdiş, hewl da û muracatê rêxistinê neteweyî û mîyanneteweyî da ke Îmrali de cigêrayîş bêro kerdiş û seba vernîya pêvînayîşê bi keye û avûkatan dir bêro akerdiş, bikewê hereket.

 

Muracatê CPTyî 

 

Avûkatan tewr peyîn 4ê Çeleyî de derheqê xebera muvekîlê înan Abdullah Ocalan, Hamîlî Yildirim, Omer Hayrî Konar û Veysî Aktaş 10 mengî yo nîno girewtiş de rapor da CPTyî. Avûkatan da zanayîş ke 25ê Adara 2021ê heta nika tu xebere înan ra nîna girewtiş û vatî ganî peynîya nê caardişan bêro û ganî CPT şêro Îmraliyî.

 

Avûkata Buroya Huqûqî yê Asrinî Raziye Ozturk derheqê tecrîd û muracatî de ajansê ma rê qisey kerd.

 

'Tecrîd giran bi'

 

Raziye vat, 2021î de tecrîd giran bîyo û  tena pêvînayîşêk telefonî yê 4-5 deqeyan ke o zî nîmced ameyo kerdiş û vat: “Ma bi tu hawayî bi muvekîlê xo dir pêvînayîş nêkerd.  25ê Adare de pêvînayîşêk telefonî ame kerdiş û no zî netîceyê reaksîyonê rayaumumî de ame kerdiş. Tecrîdo ke bi serran o yeno kerdiş, 2021î de tewr giran bi.”

 

‘Tecrîd girewtî rojeva xo'

 

Razîye bal ant serê serdayîş ke seranserê serre kerdê û vat, cewabêke pozîtîf nêameyo girewtiş û no zî tecrîdo ke yeno kerdiş ramojneno. Raziye wina vat: "La reyna zî awerşîyayîşê pozîtîf ameyî ciwîyayîş. 2021ê de sazgehê heqê merdiman û huqûqî tewr zêde tecrîd kerdî rojeva xo. Na babete de xeylêk muracat û vengdayîşê hîsgêrî ame kerdiş. No het ra ma hêvî kenê ke heta netîce bêro girewtiş, no dewam bikero."

 

Razîye wina vat: "Qerarê ke DMMEyî derheqê Birêz Ocalanî de ‘heqê hêvîye’ de dayî, qerarêk aydê serra 2014ine yo. Çi heyf no qerar 7 serrî dima ame rojeve Komîteyê Wezîran. seba nê averşîyayîşêk ke erey kewto yo. No bi zemînê huqûqî yê azadîya Birêz Ocalanî girîng o. Erey bo zî destkewtişêk girîng o.”

 

Huqûqo taybet

 

Raziye dewam de wina vat: “Huqûqo taybet yê Îmraliyî çarçewaya konseptê mîyanneteweyî de ameyo diyarkerdiş û bêhuqûqî û kêfiyet babeta vatişî ya. Hetê sîyasî de, babeta Kurdî de sey konseptêk giran ê neçareserî vejêno vernîya ma. Amanc oyo ke Birêz Ocalan hetê îradeyî de teslîm bêro girewtiş. La pêwa 23 serrî derbaz bîyo zî Birêz Ocalan bi perspektîfê xo her çî veng veto. Cezayê dîsîplînî yê Birêz Ocalanî yenê dayîş zî bêhuqûqî û kêfî yo.”

 

‘Tirkîya cidî nêzdîyê raporan nêbena’

 

Raziye tewr peyîn wina vat: “CTPyî raporan de vatibi ganî Tirkîya pêvînayîşê bi keye û avûkatan dir bido destpêkerdiş. La Tirkîya bi cidiyet nêzdîyê raporan nêbena. Ma do tecrîdê tîya ra tepya bigîrê rojeve. Hewldayîşê ma do her wext dewam bikerê. Ganî heme sazgehî tecrîd tewr zêde bikerê rojeva xo."