Rozerîn Gultekîn

 

STENBOL - Avûkate Yelda Koçak da zanayîş ke serebûtê tutan binê panzêran de manenê, sey kewtişê cinîyan ê balqonan tesaduf nîyo û merdişê bi guman de nêzdîbîyayîşê  gumanbaran ê îqtîdarî beno bahaneyê betalkerdişê cipersayîşan.

 

Menga çele de goreyê çeteleyê şîdetê 30 cinîyan bi guman dinyaya xo bedilnaye û merdişê biguman de cipersayîşê bi bandor xeylêk girîng o. Bedêlê ke nê dosya bi hîrayî bêrê hîrakerdiş bêrê cigêrayîş yenê girewtiş. Avûkate Yelda Koçak babete de qisey kerd.

 

‘Şule Çet ewil nêbî û peynî zî nêbî'

 

Yeldaye vat, yew merdişê biguman yê Şule Çet ke 2018 de hetê Çagatay Aksu û Berk Akand ra ameye tecawizkerdiş bî û wina vat: "Hewldayîşê na dosya sey întîxar nîşan bidê û bigîrê. Bi paştdayîşê keye, embaz û rayaumumî dir dosya bi hîrayî ameye cigêrayîş û vejîya werte ke no cînayet o. Serebûtê Şule Çet ewil nêbi û peynî zî nêbi.  Xeylêk cînayetê wina yenê ciwîyayîş. Serrê peyîn de serebûtê wina zêde bîiyê. Gumanbar kiştişê cinîyan ê biguman seba xo sey xelasî vînenê. Cinîyan balqonan, katê corînan ra erzenê û vanê, întîxar o.”

 

‘Sey cînayetê cinîyan nîno qebulkerdiş'

 

Yelda dewam de wina vat: “Mêrdeyî zanê ke çi vajê do înan ra bawer bikerê. Hukm binê kontrolê îqtîdarî de hetgir o. Merdişê biguman yê cinîyan întîxar nîyo, cînayet o. Îqtîdar derheqê kiştişê cinîyan de girîngî dano îstatîstikî. Wezaretê karê zereyî hûmara cinîyê qetilkerdiş sey serkewtiş vano. Wezaret vano, ma hûmara cinîyê ameyê qetilkerdiş vista. Cînayetê cinîyan yê biguman bi endîşeyîn ê. Seba nê sûc erzenê serê rêxistinê cinîyan yê hemverê merdişê vengê xo berz kenê. Îqtîdar berjewendîyê xo fikrîyenê û merdişê cinîyan fînenê hûmarê îstatîstîkî.”

 

‘Fotografê gumanbaran bi Suleyman Soylu dir esto’

 

Yelda wina vat: “Vejêno werte ke xeylêk gumanbarî bi AKPyî, teşkîlatê polîsan dir têkiliyî de yê. Gumanbar ya bi bazirganê tiryakî dir yan zî bi polîsan dir têkiliyî de yê, yan zî tutê keyeyê dewlemendî yê.  Tu çîyêk nêbo zî fotografê înan bi wezîrê karê Zereyî Suleyman Soylu dir esto. Binê merdişê biguman de şîdetê psîkolojîk, cinsî û fuhuş esto. Gumanbarê şîdetî zî yenê pawitiş. Çi heyf, cinîyê ke şîdet teşhîr kneê zî yenê muhakemekerdiş. Yanî bi her het ra hukm verê xo dano cinîyan."

 

Merdişê bi panzeran û balqonan ra kewtiş

 

Yelda tewr peyîn wina vat: “Bajarê mintiqa de qelibnayîşê panzeran ê tutan û bajaranê rojawan de zî xeberê cinîyan ke balqonan ra kewenê. Nê serebûtî girêdayeyê yewbînan ê. No tabloyê welatêk ke edalet çinî yo. Ê panzêrî çira tutê ke kuçeyan de kay kenê qelibyenê. Nê kiştişê bi panzêran zî sey cinîyê balqonan de kewenê tesaduf nîyê."