Rozerin Gultekîn

 

STENBOL - Verfeka HDKyî Esengul Demîre vat, HDK tifaqêk stratejîk o û vat, ma kewenê serra xo ya 13ine   û bi hedefê rêxistinbîyayîş û pîlbîyayîşê tifaqê komelî kewenê serra 13ine.

 

Verfeka HDKyî Esengul Demîre 12 serrî derbaz bî û senî 13 serrîya xo pêşwazî kenê, ercna.

 

‘Hemkarîyêk stratejîk ê demdergî’

 

Esengule dîyar kerd ke HDK bi wezîfeyê sîwaneyê hempar ê seba xeta têkoşînî ameyo awankerdiş û vat: “Serra 2011ine de HDK ame awankerdiş. Rojhelatê Mîyanên ê wextî serewedaritişê şarî est bî û bendewarîyê neweyî estbî. Heto bîn ra zî Tirkîya de şer est bî û hewce bi aştîye est bî. Nê atmosferî de pêvînayîşê HDKyî pê ameyî. Pêkameyîşî binê sîwaneyê kongreye de ameyî têhet. No sazbîyayîş verê amebî têhet. Hewcedarî bi têkoşînêk hempar ame vînayîş. Hewce bi yewîye ame vînayîş. No sazbîyayîş bernameyê stratejîk ê paradîgmaya azadîwaştox ekolojîk û cinî de ameyî têhet.”

 

‘Şar çarçewaya neteweyê demokratîke de yeno têhet’

 

Esengule wina dewam kerd: “HDK xeylêk meclîsê cîya hewênena. Seba azadbîyayîşê komelan, pêameyê neteweyê demokratîke muhîm ê. Neteweyê demokratîke, modelêk alternatîf ê sîstemê dewlete yo. Seserra 21ine de netew dewletî xo newe ra berarde kenê. Aseno ke no wext semedê başîya şaran nîyo. Hemverê nê de tekoşînêk xurt bêro dayîş. Berjewendîyê beşêk pîlî yê komelê bindest beno yew. Semedê nê zî mûnayîşê cuye, asan o. Nimûneyê ci Rojawan o. Cimeetê cîya ameyî têhet û cuye pîya awan kerdî. No nimûneyo muhîm semedê şarê dinya yo. Meclîsê ma derheqê problemê şarî  de xebatan kenê. Xeylêk wareyan de meclîsê ma est ê. Amanc oyo ke meclîs probleman rê çareserî bivîno.”

 

'Şarê ke verê xo dayê HDKyî'

 

Esengule wina qedêna: “Şaran verê xo da HDK. Wextê newe de ma do semedê têkoşînê hempar munaqeşeyê xo bikerê. Ma bi hedefê rêxistibîyayîşî kewenê serra 13ine. Hedefê pîlkerdişê tifaqê komelî yê serra 13ine de est o. Yew hedefê ma yê bîn zî têkoşînê seba aştîye yo.”