STENBOL - Unîversîteya Yildiz Teknîkî de komêke ulkucuyî verê berê metroyî de bi hacetê birnaye hêrişê wendekaran kerd.

 

Unîversîteya Yildiz Teknîkî ya Stenbolî de komêke ulkucuyî verê berê metroyî de bi hacetê birnaye, hêrişê wendekaran kerd. Vizêr zî Kampusê Ayazaga yê ÎTUyî de hetê komêke ulkucuyan ra hêrişêk bi eynî  rengî amebî kerdiş û netîce de wendekarêk birîndar bibi.

 

Badê hêrîşî Ciwanê Emekî, Partîya Karkerê Tirkan, Înîsîyatîfê Wendekaran, SGDF, Kaldiraç, Pêgirewtişê Wendekaran, Komîteyê Ciwanan eşkerayîyêke hempar dayî û vatî ke do unîversîte de destûrê faşîzmî nêdê.