AMED - Fahrîye Ceylana ke 32 serrî yo veradayîşê aye 8 rey ameyo taloqkerdiş, badê ke ameye veradayîş, bajarê xo Amed de bi çepik, tilîlî û sloganan "Biciwîyo xoverdayîşê zîndanan" ameye pêşwazîkerdiş.

 

Tepişteya 32 serrî Fahrîye Ceylana ke tewr peyîn Zîndanê Tîpê Lyê Alanyayî de mendebî û 8 rey veradayîşê aye ame taloqkerdiş, vizêrî ameye veradayîş. Fahrîye Ceylan vizêrî hetê keye û merdimanê xo ra ameye pêşwazîkerdiş. Ewro zî Têgêrayîşê Cinîyanê Azadan (TJA), parlamentera Partîya Têduştî û Demokrasî (DEM Partî) ya Amedî Adalet Kaya, Parlamentera DEM Partîye Ceylan Akça Cupalo, Hemsereka DEM Partîye Gulşen Ozer, îdarekarê bajar û qezayan ê DEM Partî, Partîya Herêmê Demokratîke (DBP), Komeleya Hetkarî û Paştdayîşê bi Keyeyê Tepişteyan (TUAY-DER), MEBYA-DER Hemşaredara Rezanî Leyla Ayaz, Fahriye Ceylane pêşwazî kerdî. 

 

Fahrîye Ceylane teyaregehê Amedî de bi tilîlî, çepik û sloganê "Biciwîyo xoverdayîşê zindanan" ameye pêşwazîkerdiş.