AMED - Şaredarîya Amedî ya Şaristanê Girdî, park û daristanan de Darê Çamê Îranî û Selwîyê Keweyî ra gozikanê ke gênê, ci ra toximî vejena û şitilan resnena.

 

Serekîya Daîreya Park û Baxçeyan, seba ke şaristan hîna estetîk û kesk biaso, tesîsanê xo de şitilî, lemî û vilikê demkî yê cureyê cîya-cîyayan dewam kena ke biresno.

 

Mudirîya Şefîya Şitil û Darûberinkerdişî gozikanê ke aşmanê zimistanî ra pey darê çamî û selwî ronenê ra toximî vejnena û ci ra şitilan virazena.

 

Ekîbî gozikê ke mîyanê daristan de yê arê danê û serayan de kenê zuwa. Gozikê ke bîyê zuwa û dest bi teqayîşî kerd, hetê ekîban ra yenê testkerdiş.

 

Ekîbê Mudirîya Şefîya Şitil û Darûberinkerdişî toximê ke testî de gozikan vejîyenê, kenê mîyanê awe. Toximê vengî ke serê awe de manenê yenê eştene, û toximê ke kewenê binê awe, înan ronanê kenê şitil.

 

Serekîya Daîreya Park û Baxçeyan Şefîya Şitil ya Şilbe TOKÎ de, demanê cîya-cîyayan de daristanan ra toximê daran arê danê û nêzdîya 15 hezar şitilî virazena.