AMED- Mehkema, îfadeyê îtîrafkar Umît Akbiyikî ser o 6 serrî û 3 aşmî cezaya hepsî da Halîse Aksoye ke esteyê lajê ci qutîyêk de bi kargoyî teslîmê ci ameybî kerdêne.

 

Halîse Aksoy ke esteyê lajê ci Agît Îpek qutîyêk de bi rayîrê kargo teslîmê ci ameybî kerdêne, ser îfadeyê îtîrafkar Umît Akbiyik bi îdiayê “endamîya rêxistine” 6 serrî û 3 aşmî cezaya hepsî ame birnayiş. Serê îfadeyê îtîrafkar Umît Akbiyikî, Halîse Aksoy 28ê nîsana 2023î de ameybî girewtêne û dima zî ameybî tehlîyekerdêne.

 

Roniştişê 7ine yê doza Halîse Aksoye Mehkemeya Cezaya Girane ya Amedî ya 10ine de ame kerdiş. Halîse Aksoy beşdarê roniştişî nêbî la avûkatê aye Zeynep Karayilan û Necat Çîçek hadre bîyî. Mehkema serê îfadeyê îtîrafkar Umît Akbiyikî 6 serrî û 3 aşmî cezaya hepsî da Halîse Aksoye.