MERKEZÊ XEBERAN- Komeleya Rojnamegeranê Cinîyan ê Mezopotamyaye (MKG) û Komeleya Rojmegeran ê Dîcle û Firatî (DFG) derheqê kiştişê rojnameger Azîz Koyluoglu de beyanat dayî û kiştişê Rojnameger Azîz Koyluogluyî şermezar kerdî û vatî; verba nê hêrişan wa çew bêveng nêmano.

 

Komeleya Rojnamegeranê Cinîyan ê Mezopotamyaye (MKG) û Komeleya Rojmegeran ê Dîcle û Firatî (DFG) verba hêrişê çapemenîye ser û kiştişê rojnameger Azîz Koyluogluyî de beyanato hempar dayî.

 

MKG û DFGî beyanat de dîyar kerdî ke kedkarê çapemenîya azade; Kurdistan, Tirkîya û Rojhelatê Mîyanênî û çar hetê dinya de hewl danê ke heqîqetî bi raya pêroyî rê pare bikerê û wina vatî: “Şertê tewro zor de û bi heme rîskan kewtê pey rêça heqîqetî û hewl danê ke heqîqetî roşn bikê. Rayîre heqîqetî de zaf hevalê ma şehîd bîyî, ameyî destbendkerdene û hepskerdene. Heme hêriş, zext û şîdetê îqtîdarî yê verba kedkarê çapemenîye de zî kedkarê çapemenîye fek gêrayişê xo ra vera nêdanê. Kedkarê çapemenîya azade, game tepa nêeştî û gêrayişê xo yê heqîqetî dewam kenê.”

 

MKG û DFGî kiştişê Rojnameger Azîz Koyluogluyî şermezar kerdî û wina domnayî: “Kedkarî bînî yê çapemenîya azade, hêrişê hewayî de ameyî kiştiş. Tirkîya 27ê çeleyî de qezaya Ranya ya Silêmanyeyî de rojnameger Azîz Koyluoglu kişt. Ma reyke bîn soz danê ke ma do qeleme, kamera û makînayê fotografê hevalanê xo yê ke ameyî kiştiş û hepskerdiş erd de nêverdê. Çapemenîya Azade hetanî nika verba ti hêriş, kiştiş, hepskerdiş û destbendkerişî de bêveng nêmende, do nika ra pey zî bêveng nêmano.”