Derya Ren - Gulîstan Gulmuş

 

AMED - Cinîyê ke “Mîtîngê Azadîye" yê Amedî de ameyî têhet, semedê persê; "Aştîyêke senîn" cewabê "Aştîyêke bi rumet" dayî.

 

Partîya Demokratîke ya Herêman (DBP) û Partîya Têduştî û Demokrasî (DEM Partî) badê pêvînayîşê Rayberê PKK’yî Abdullah Ocalanî dir, xebatê xo yê bajarê Kurdistanî û Tirkîya bi sloganê "Pêvînayîşê aştîya komelî û azadîye" dewam kenê. Yew nê bernemayan ra zî "Mîtîngê Azadîye" yê 8ê Sibate de qezaya Yenîşehîrî ya Amedî de Meydanê Îstasyonî de pê ame.

 

Ma cinîyê ke tewrê mîtîngî bîyî persê "Şima aştîyêke senîn wazenê?" persa. Mîtîng ke fotografê Rayberê PKK’yî Abdullah Ocalanî, rojnamegerê ke ameyê qetilkerdiş û eynî wextî de sloganê "Jin jiyan azadî" vejîyayî vernî, cinîyan wina vat: “Wa ne tirkî ne kurdî tu kes nêmiro û her kes na herre ser o bi ziwanê xo, kulturê xo biciwîyo." Cinîyan dîyar kerd ke nê zî bi azadiya fîzîkî ya Abdullah Ocalanî mumkin ê. Cinîyan dîyar kerd ke ganî Abdullah Ocalan lezkî bêro veradayîş û bikewo mîyanê şarî.