MERKEZÊ XEBERAN - Komployê Mîyanneteweyî yê hemverê Rayberê PKK'yî Abdullah Ocalanî Heleb de ame şermezarkerdiş.

 

Bi wesîleya nêzdîbîyayîşê serrgêra 26ine ê Komployê Mîyanneteweyî yê hemverê Rayberê PKK'yî Abdullah Ocalan (15 Sibate), Meclîsê Cinîyan ê PYD’yî Çerxerayîrê Zeytûnî yê taxa Eşrefiye yê Helebî de çalakîyêke protestoyî organîze kerd. Bi desan kesî beşdarê çalakîye bîyî.

 

Çalakî de fotografê Abdullah Ocalanî ameyî akerdiş.

 

Çalakî de qiseykerdoxî, Komploya Mîyanneteweyî şermezar kerd û dîyar kerdî ke komplo nêresa amancê xo, semedo ke fehmê Abdullah Ocalanî tewrê dinya bîyê.

 

Qiseykerdişan de xoverdayîşê Abdullah Ocalanî yê zîndanê Îmraliyî ame silamkerdiş û ame dîyarkerdiş ke projeyê neteweyê demokratîke ke Abdullah Ocalan pêşkêş kerdo, heqê pêro pêameyî mîsoger keno û asayîş pê ano.

 

Badê qiseykerdişan qeydê vengê Abdullah Ocalanî ame goşdarîkerdiş û sloganê bi vengdayîşê azadîya ey yê fîzîkî ameyî berzkerdiş.