MERKEZÊ XEBERAN - Hemverê hêrişê artêşa tirkan û çeteyê ci yê ke Pirda Qereqozaxî û Awbendê Tişrînî ke 8ê kanûna 2024ine û nata ser o dewam keno, nobeta xoverdayîşê şarî roja 34ine de ya.

 

Şarê Vakur û Rojhelatê Sûrîye zî semedê pawitişê awbendî û şermezarkerdişê hêrişan 8ê çeleyî ra nobeta pawitişî awbendî dewr gênê. 

 

No serê sibayî zî bajarê Hesekî, Til Temir, Dirbêsiye, Til Birak û Şedadî yê kantonê Cizîrî bi desan kesî semedê şêrê awbendî Çerxerayîrê Panorama yê bajarê Hesekî ameyî têhet.

 

Endama Meclisê Kongra Starî ya bajarê Hesekî Zehra Elî cayê xo çalakîya nobete de bigîro wina vat: "Ma şinê Awbendê Tişrînî. Ma do hemverê îşxalkerdişî de vinderê. Pawitişê awbendî wezîfeyê her kesî yo."

 

Roniştoxo bi nameyê Botan Cizîrî ke Hesekî ra bî dîyar kerd ke serkewtişê xoverdayîşê Awbendê Tişrînî serkewtişê temamê Herêma Vakur û Rojhelatê Sûrîye yo.

 

Cinîya bi nameyê Munewer Yûsif zî dîyar kerd ke bi hêrişan nêeşkenê îradeyê şarê herême bişikinê û wina vat: "Ma semedê paştdayîşê YPJ û QSD’yî dir şinê awbend."

 

Girse bi berzkerdişê sloganê silamkerdişê xoverdayîşê QSD û YPJ’yî ver bi Awbendê Tişrînî de kewtî rayîr.