Mîdye Miqted

 

HELEB - Cinîyê Helebî dîyar kerdî ke tepiştiş, remnayîş, hêriş û qirkerdişê welatijanê Efrînî dewam keno û vatî: "Xeylêk kesî hema çarenûsê înan dîyar nîyo. Ganî bendêk hemverê kerdoxanê nê çeteyan bêro dayîş ke ganî şarê Efrînî qirkerdişî dir rî bi rî nêmano."

 

Badê ke Efrîn kewt binê kontrolê dewleta tirkan û komê girêdayeyê uca; qirkerdiş, kiştiş, teda û hêrişê welatijan ser o dewam keno. Reaksîyon û nêrazîbîyayîşê hemverê nê hêrişan zî dewam keno. Heleb de zî cinî hemverê nê têkoşînê xo dewam kenê. 

 

Cinîyê Helebî derheqê babete de ercnayîş kerd. 

 

Remnayîşê welatijanê Efrînî dewam keno

 

Endama Partîya Yewîya demokratike (PYD) Zeyneb Elî wina vat: "6ê çeleyî de bi kewtişê komê HTŞ'yî yê mîyanê Efrînî, propogandayê ke Efrîn çeteyan ra ameyo xelaskerdiş, ame vilakerdiş. Labelê venga ma semedê temamê şarê ma yo ke Efrîn ganî çeteyan ra bêro pakkerdiş. Ganî heta çeteyî uca ra nêrê pakkerdiş, ma nika nêgeyrê Efrîn. Semedo ke hema zî Efrîn de xeylêk kesî yenê remnayîş û hîn çarenûsê xeylêk kesî zî dîyar nîyo."

 

'Ganî bawerî bi çeteyan nêro'

 

Zeyneb Elî da zanayîş ke bawerî bi çeteyan nîna û wina vat: "Hemverê hedîseya ke dekewtişê komê HTŞ'yî mîyanê Efrînî de şarê ma bawerîya xo înan rê nêaro. Semedo ke nê pêro hêzê Efrînî de komê çeteyan ke hetê dewleta tirkan ra destek yenê dayîşî yê. Coka ganî bawerîya şarî bi hêza xo bibo."

 

'Ganî şar qirkerdişî dir rî bi rî nêmano'

 

Endama Partîya Yewîya Demokratîke (PYD) Bêrîvan Tobal zî wina vat: "7 serrî yo ke dewleta tirkan a îşxalkere bajarê Efrînî îşxal kerda. Ma nê îşxalkerî red û şermezar kenê. Mîyanê 7 serran de xeylêk rey welatijê Efrînî kiştî, remnayî. Nê welatijî bêsûc ameyî tepiştiş. No hema dewam keno. Ganî bendêk hemverê kerdoxê nê çeteyan bêro ronayîş ke ganî Efrînî qirkerdiş dir rî bi rî nêmano."

 

'Do nêeşkê welatijê Efrînî çin bikerê'

 

Peynîya qiseykerdişê xo de Bêrîvan Tobal vat, ganî bawerîya şarê Efrînî bi çeteyan nêbê û wina vat: "Heta ke çeteyê dewleta tirkan zereyê bajarê Efrînî de bê, şarê ma ganî bawer nêkero. Do dewleta tirkan bi çete û mîtê xo nêeşko şarê Efrînî çin bikerê."