Melîke Aydin

 

ANTALYA- Xeta Cinîyanê Antalya semedê kampanyaya do mabêne 10ê sibate û 8ê adare de dewam bikero, bi sloganê ‘Semedê xoverdayîşî vengdayîş’ venga tewrbîyayîşê pêro cinîyan kerd.

 

Xeta Cinîyanê Antalya do mabêne 10ê sibate û 8ê Adare de kampanyaya 8ê Adare pê bîyarê. Îştar Keskîn nameyê Xeta Cinî ser o qisey kerd û bale ant polîtîkayanê şerê taybetî ser o. Îştar Keskîn semedê kampanyaya ke bi sloganê, ‘Semedê xoverdayîşî vengdayîş’ dewam kena de venga tewrbîyayîşê pêro cinîyan kerd.

 

Venga têkoşînî

 

Îştar Keskîn hemverê zîhnîyetê serdestî yê camêrdan venga têkoşînê cinîyan kerd û wina vat: “Helwestê cinîyê ciwanan yê hemverê zîhnîyetê camêrd ke serwerîya kapîtalîzmî keno, cayo ke cinî yenê qetilkerdiş, qirkerdiş û mêtingerî yenê kerdiş. Xeta ma xeta ê kesê ke vanê, fek sîstemê serdestî ra vera bidê û pey heqîqetî de bê, ya. Raştîyê hevalanê ma yê Rojîn Kabaiş, Zeren Ertaş û Gulîstan Doku, polîtîkayê şerê taybetî yê şexsê cinîyanê ciwanan de, çinhesibnayîşê cinî de, nimitişê cînayetê cinîyan de û vetişê înan de, noqtaya peyîn ke şexsê cinîyanê ciwanan de ameyo kerdiş, bi zelalî fîneno verê çiman.  Wexto ke ma ver bi 8ê Adare de şinê ma reyke bîn dîyar kenê ke semedê cinîyan her roje azadbîyayîşê şert û mercê cuye yo û tena rojêke winasî de hewldayîşê xîtabê cinî rêçê kûrî yê koletî hewênenê."

 

‘Kampusan ra ver bi wareyan’

 

Îştar Keskîn qiseykerdişê xo wina dewam kerd: “Hêz û îradeyê ma û bîyayîşê cinîyanê ciwanan, cuye de bîyayîşê komelê azad hewêneno. Bîyayîşê îradeyê ma her cayê ke têkoşînê ma yê bîyayîşî est o. Sey  Xeta Cinî, bi hêzo ke ma adetê xoverdayîşî gênê, 8ê Adare de ma pêro cinîyanê kampusan dawetê wareyan kenê. Ma dîyar kenê ke ma hemverê pêro çinhesibnayîşî, bomberdûman û qirkerdişan ê û pêwa nînan zî ma hêvîya cuyêka azade yê.”

 

‘Hemverê zîhnîyetê camêrdî cewabê girseyî’

 

Îştar Keskîn, tewr peyîn wina vat: “Ma cinîyê ke kampus de, kuçeyan de û wareyan de xo biresnê yewbînan, bi sloganê 'semedê xoverdayîşî vengdayîş’ ma pêro cinîyan dawetê wareyan kenê û dîyar kenê ke çikê azadî ya adetê ma xo de hewêneno. 8ê Adare hetê yewîya cinîyan de raştîyêk zelal û hemverê zîhnîyetê camêrdî cewabêk girseyî bî ke mojna ke tena rojêke winasî de hewl yeno dayîş ke problemê cinîyan bêrê çareserkerdiş.”