Gulîstan Gulmuş - Pelşîn Çetinkaya

 

AMED - Reaksîyonê hemverê tayînkerdişê qeyûmî semedê şaredarîya Bajarê Pîlî ya Wanî dewam keno. Amedijan na rewşe sey xespkerdişê îradeyî ercna û bale ant muhîmîyê paştdayîşî ser.

 

Badê ke 3 serrî û 9 aşmî cezaya zîndanî Hemşaredarê Bajarê Pîlî yê Wanî Abdullah Zeydanî rê ame dayîş, şarê Wanî pêwa şert û mercê hewayî yê giranî 5 rojan verê şaredarî de nobete girewtî. La 15ê sibate de Waliyê Wanî Ozan Balci sey qeyûm tayînê şaredarîye ame kerdiş. Badê nê şarê Wanî vejîya kuçeyan û qeyûm protesto kerd. Pêwa Wanî xeylêk bajarê Tirkîya û Kurdistanî de hemverê qeyûman de çalakî pê yenê.

 

Amed ra paştdayîş û reaksîyon

 

Amed de welatijan bi amancê protestokerdişê komployê mîyanneteweyî yê 15ê Sibata 1999ine hemverê Rayberê PKK’yî Abdullah Ocalanî Meydanê  Şêx Seîdî yê Sûrî de ameyî têhet. Welatijê tîya derheqê qeyûman de fikrê xo ardî ziwan.

 

Reaksîyonî hempar ê: Hêrs û xoverdayîş

 

Welatijan dîyar kerdî ke hetêk Abdullah Ocalanû dir pêvînayîş yeno kerdiş û heto bîn ra zî qeyûm yeno tayînkerdiş. Welatijan vat; na rewşe samimî nîya û vatî, tayînkerdişê qeyûman darbeyê hemverê îradeyî yo. Welatijan nê mesajî da: “Êdî bes o! Madem qeyûman tayîn kenê, çira weçînayîş kenê. Wa weçînayîş nêkerê. Ganî şarê Wanî tena nêro verdayîş û her kes wurzo lingan ser.”

 

Amedijan dîyar kerd ke do hemverê polîtîkayanê qeyûman têkoşînê xo dewam bikerê û vatî, ê şarê Wanî dir mîyanê paştdayîşî de yê.