STENBOL - Dozgerê dosyaya rojnamegerê ke destbendkerde bî ewnîyayîne, vernê de qerarê veradayîşê bi şertê kontrola edlî da û badê zî qerarê xo vurna û bi waştişê tepiştişî sewq kerd.

 

Karûbarê îfadegirewtişî yê rojnamegerê ke wextê çalakîyê hemverê cipersayîşê derheqê Şaredarîya Bajarê Pîlî ya Stenbolî de taqîb kerdêne û bi îdiayê “Muxalefetê hemverê kombîyayîş û protestoyan” amebî destbendkerdiş, emnîyet de temam bî. Rojnamegerî sewqê Edlîyeyê Stenbolî yê Çaglayanî ameyî kerdiş. 

 

Dozgerî ewilî semedê rojnamegere Zeynep Kuray,  Alî Onur Tosun, Bulent Kiliç, Yasîn Akgul, Kurtuluş Ari, Gokhan Kam û Hayrî Tunç qerarê veradayîşî yê bi şertê kontrolê edlî da. Labelê badê demêk kilmî de dozgerî qerarê xo vurna û pêro rojnamegerî bi waştişê tepiştişî, sewqê Dadgerîya Cezaya Sulhî kerd.