ANQARA - Hemsereka Pêroyî ya DEM Partîye Tulay Hatîmogullari badê kombîyayîşê kome cewab da persê rojnamegeran û dîyar kerd ke agahî înan rê ameya ke badê roşanî eşkenê Serekkomar Tayyip Erdoganî dir pêvînayîş bikerê.

 

Hemsereka Pêroyî ya Partîya Têduştî û Demokrasî (DEM Partî) Tulay Hatîmogullari kombîyayîşê Koma Meclîsî yê partîya xo de derheqê rojeve de ercnayîş kerd û demê vejîyayîşê teberî de cewab da persê rojnamegeran.

 

Tulay Hatîmogullari vat, "Semedê pêvînayîşê ma yê Birêz Erdoganî dir badê roşanî beno ke pêvînayîşêk bi nê rengî pê bêro. Tarîx dîyar nîyo. Ma waştişê şîyayîşê girawe kerd, la heta ma nika cewab nêgirewt. Ma pawebî ke ma vernîya Newroze şêrê, la no pê nêame. Ma nê waştişî reyke bîn newe kenê. Heyetê ma semedê nê wazeno ke şêro girawe.”