RIHA - Endamê Meclîsê Ciwananê DEM Partîye, dîyar kerdî ke amancê rayîrşîyayîşî, caardişê azadîya fîzîkî ya Rayberê Şarê Kurdî Abdullah Ocalanî yo û vatî: "Wexto ke ma azadîya Rayber Apo qetî bikerê, do cinî zî azad bibê."

 

Meclîdê Ciwananê Partîya Têduştî û Demokrasî (DEM Partî) bi wesîleya 76ine rojbîyayîşê Rayberê Şarê Kurdî Abdullah Ocalanî, Amed ra ver bi dewa Amara ya qezaya Xelfetî ya Rihayî de dest bi rayîrşîyayîş kerdî. Ciwanê ke Amed ra kewtî rayîr, resayî qezaya Pirsûsê Rihayî. Rayîrşîyayîşê ciwanan ê bi sloganê "Ma bi komelê demokratîkî ver bi azadî şinê" do 4ê Nîsane de Amara ke Abdullah Ocalan ci de ameyo dinya, peynî bibo.

 

Ciwanê ke beşdarê rayîrşîyayîş bîyî, ajansê ma JINNEWS'î rê qisey kerdî. 

 

‘Wexto ke Rayber Apo azad bibo do cinî zî  azad bibê' 

 

Endama Meclîsê Cinîyan ê DEM Partîye Rumeysa Bozkurt ke destpêk de qisey kerd, bale ant serê amancê rayîrşîyayîşî û vatî: "Amancê rayîrşîyayîşê ma o yo ke azadîya fîzîkî ya Rayberê Şaran Abdullah Ocalan pê bîyarê. Sey cinî ma bi serkêşîya cinîyan ver bi Amarayî şinê. Ma bi modelê şorişê cinî yê  Rojawanî, heta Amara rayîr ra şêrê. Xoverdayîşê Sîweregî moralêk pîl da ma, Rayber Apo cayo ke dayîke ra bîyo, ma do destpêkêk newe bikerê. Ma bi taybetî cinî zaf keyfweş ê. Maddeyê ke ma azadîya fîzîkî ya Rayber Apo qetî bikerê, ma cinî do tewr azad bibê. Ma do bi cinîyê ciwanî komelê demokratîkî awan bikerê, ma do bibê serkêşî nê. Ma do azadîya Rayber Apo qetî bikerê."

 

‘Her cayî ra ciwanî tewrê rayîrşîyayîşî bîyî’ 

 

Endama Meclîsê Cinîyanê Ciwan ê Kongereya Demokratîke ya Şaran (HDK) Şeval Çaşurluk, dîyar kerd ke ciwanî her di bajarê Tirkîya û Kurdistanî semedê azadîya fîzîkî ya Rayberê Şarê Kurdî Abdullah Ocalanî bi coşêk pîl ameyî pêşwazîkerdiş û wina va: "Ma serkêşîya Meclîsê Ciwananê DEM Partîye hem Tirkîya hem zî Kurdistan de rayîrşîyayîşêk bi heybet ame plankerdiş. Ma wazenê waştişê xo yê azadîya fîzîkî ya Rayberê Şarê Kurdî Abdullah Ocalanî pîl bikerê."

 

'Ma bi coş û bi moral ê'

 

Şeval Çaşurluk wina qedêna: "Rayîrşîyayîşê ma zaf weş o, bi heyecan bî. Ma pêro ciwanî zaf bi kelecan bîyî. Rayîrşîyayîşê ma do roja Birêz Abdullah Ocalan ameyo dinya, peynî bibo. Tena ciwanê Kurdistanî nê, tîya nîyê û eynî wextî de hemrayê ma yê pêameyê bînî zî ma dir ê. Dayîkan bi vilan pêşwazî kerd."