STENBOL - Îdianameyê derheqê rojnamegere Rahîme Karvar de ame amadekerdiş û roniştişê ewilî do 12ê Hezîrane de bêro vînayîş. 

 

Rojnamegere Rahîme Karvar 17ê çeleyî de çarçewaya cipersayîşê merkezî do Stenbol de sereştişî keyeyî de ameye destbendkerdiş û 21ê çeleyî de zî bi îdiayê “endamîya rêxistine” ameye tepiştiş. Îdianameyê derheqê Rahîme Karvare de ame amade kerdiş. Rahîme Karvar semedê xebatanê rojnamegerîye bi îdiayê “endamîya rêxistine” ameye sûcdarkerdiş û no îdianame hetê 24ine Dadgeha Cezaya Giran ya Stenbolî ra ame qebûlkerdiş. 

 

Îdianameyî de tarîxê PKK’yî û awankerdişê KCK’yî ameyî vatiş û çapemenîya kurde girêdayeyê PKK û KCK’yî ameyî kerdiş. Îdianameyî de ame vîrardiş ke Rahîme Karvar bernameyê bi nameyê “Mercek”ke pêşkeş kerda û weşanayîşê nê bernameyî yê Medya Haber TV’yî de sey sûc ame mojnayîş. Ame dîyarkerdiş ke bernameyî de babeta “tecrîdî” ameya ercnayîş û bi nê sebebî zî îdiayê “propagandaya rêxistine” ameya kerdiş. 

 

Îdianame 36 rîpelan pê yeno û roniştişê ewilî yê dewa do 12ê hezîrane de bêro kerdiş.