MERKEZÊ XEBERAN - Baxçeyê Zarokan Silêmanîye de pêşangehêk resimanê tutan akerd, pêşangeh de 50 tabloyî ameyî mojnayîş.

 

Silêmanî de Baxçeyê Zarokan bi hemkarîya Beşê Şêwekarî yê Îdareyê Roşnvîrî û Hunerî yê Silêmanîye, pêşangehêk resiman ê 3 tutê Baxçeyê Zarokan akerd.

 

Derheqê pêşangehî de mamosta Şiwên Ferman va: “Ma bi pêroyî 64 tutan, 3 tutê ke resimê başî viraznenê, weçîna. Amancê ma muhîmdayîşê berardişê tutan ê, pêşangeh de 50 tablo ameyî mojnayîş.”

 

Tuta bi nameyê Zehra Nurî ke pêşangeh de resimanê xo mojna ra, ajansê ROJNEWS'î rê qisey kerd û va; “Ez pisîngan ra hes kena û mi resimanê înan viraşt, bi taybetî zî nê karî de dayîka mi xeylêk hetkarî da mi.”