MERKEZÊ XEBERAN- Rêxistina Efûyî ya Mîyannetewî ke derheqê dardekerdişî de raporêk weşan kerd, neql kerd ke serra 2024ine de Îran de 972 û Iraq de zî 63 kesî ameyî dardekerdiş. Rêxistinî dîyar kerd ke Erebîstan de 345, Yemen de 38 û Çîn de zî xeylêk kesî ameyî îdamkerdiş. 

 

Rêxistina Efûyî ya Mîyannetewî raporêk derheqê dardekerdişê serra 2024ine de weşan kerd. Rêxistine neql kerd ke Îran, Iraq, Erebîstanê Siûdî, Yemen û Çîn de dardekerdişî zêde bîyî. Rêxistine dîyar kerd; 2024ine de Îran de 972, Iraq de 63 kesî ameyî îdamkerdiş. Erebîstanê Suudî de zî 345, Yemen de 38, Çîn de zî xeylê kesî ameyî îdamkerdiş.

 

Raporê rêxistine de ame vatiş ke serra 2023ine de Îran de 853 kesî, Erebîstanê Siûdî de serra 2023ine de îdamkerdişî di qat zêde bîyî û Iraq de zî çar qat zêde bîyî. Rapor de ame dîyarkerdiş ke îdamê nê welatan semedê kesê ke sîyasetmedarê muxalîf ê, çalakîkerî û pawitoxê heqê merdiman rê yeno kerdiş.