WAN - Rêwas ke semedê nêweşîya gurçikan heta şekir, tansiyon rê heta xeylêk nêweşîyê bînan rê şfa yo, vayîya ci emser 400 lîra dest pêkeno.

 

Wan de ameyîşê wisarî dir Rêwas tezgahan ser o cayê xo girewt. Rêwas semedê nêweşîya şekir, tansîyon û xeylêk çî bînî şîfa yo, bi nameyê sey uçkun, işkin û muzê zozanan mîyanê şarî de yeno zanayîş. Rêwas ke qilê berzî yê Koyê Reş (Koyê Erek) yeno arêdayîş, arêdayîşê ci zaf zehmet o.

 

Rêwas ke bi tehmê xo yeno zanayîş, semedê xeylêk nêweşîyan şîfa yo û hetê şarî ra eleqeyêk pîl vîneno. La emser vayîya ci zaf zêde yo. Serra vîyarte mabêne 15 û 180 lîra ameyîne rotiş û emser zî vayîya ci 400 lîra ya.