Melek Avci

 

ANQARA - Endama Koordînasyona Kongra-Starî ya Lubnanî Leyla Muhammed da zanayîş ke semedê vengdayîşê aştîye yê Abdullah Ocalanî ganî kede û xebatêk pîl bêro dayîş û va: “Semedê hîrê nameyî cewabê xo bigîrê, ganî berpirsyarî bêrê girewtiş. Vengdayîşê aştîye pêro dinya de veng daya.”

 

Rayberê Şarê Kurdî Abdullah Ocalanî 27ê Sibate de venga ‘Aştî û komelê demokratîkî’ şaran rê kerd, 8ê Adare Roja Cinîyan ê Dinya de semedê cinîyan veng da û vernîya 21ê Adare Newroze zî vengdayîşê cemietê êzidî û eynî wextî de 4ê Nîsane de zî ciwanan rê kerd. Nê mesajî xeylê muhîm bî û dinya de veng dayî.

 

Endama Koordînasyona Kongra-Starî ya Lubnanî Leyla Muhammed derheqê vengdayîşê seserre yê 27ê sibate de ameyo kerdiş, ajansê ma rê qisey kerd.

 

‘Waştişê ma azadîya fîzîkî ya Rayber Apo ya’

 

Leyla Muhammed destpêkê qiseykerdişê xo de bale ant pîrozbayîyê Newroze ser û va: “Ez Newroza Rayber Apo û şarê kurdî reyke bîn pîroz kena. Newroza emser cîya bî. Bêguman Newroze semedê kurdan rojek newe, azadî û bîyayîş a. Ma zî sey pêro şaran wazenê ke cuyêka aştîyane biciwîyê. Vengdayîşê seserre hetê şaran ra bi coş ame pêşwazîkerdiş. Nê semedî ra Newroze zî bi coş ameye pîrozkerdiş. Ma bi kelecanêk pîl cewab da vengdayîşê Rayber Apo. Waştişê ma azadîya fîzîkî ya Rayber Apo ya û peynîkerdişê îşkenceyê Îmraliyî yo. Ma bi nê waştiş û moralî xebate kerd. Her kesî bi coş cewab da û Newroze de nê vetî vernî. Şarê kurdî semedê aştîye amade yo. Nê semedî ra tewrbîyayîşê Newroze zî xurt û rengîn bî.”

 

‘Mesajê semedê cinî, ciwan û êzidîyan ameyê şirawitiş muhîm ê’

 

Leyla Muhammed bale ant serê mesajê Rayberê Şarê Kurdî Abdullah Ocalanî û va: “Vengdayîşê seserre yê ‘aştî û civaka demokratîk’ xeylêk muhîm o. Pêwa ke nuşteyê ke cinîyan rê, komelê êzidî û ciwanan rê ameyo şirawitiş zî mojneno ke ganî ma xo birêxistin bikerê. Mesaj de semedê cinîyan yeno dîyarkerdiş ke ganî rêxistinkerdiş bibo. Semedê cimeatê êzidî zî no muhîm o. Mektuba ke cimeatê êzidî rê ameyo şirawitiş, semedê azadîya êzidîyan o. Mektuba semedê ciwanan zî kelecan û coşêk pîl awan kerdo. Babeta ke ganî cayê xo bigîro de ganî  berpirsyarî bêrê girewtiş.”

 

'Rolê cinîyan awankerdişê komelî de esas û taybet o'

 

Leyla Muhammed mesajê cinîyan ser o bale ant û va: “Rolê cinîyan ê komelî de esas û taybet o. Rayber Apo nê ser de vindeno. Bi rastî zî ronesans o. Ronesans senî Ewropa vurna, Rayber Apo zî semedê vurnayîşê cinî vano, Ronesans yan zî do kulturê qirkerdiş, desteştiş, koletî û îqtîdarî dewam bikero. Rayber Apo vano; ‘cinî azad nêbo, komel zî azad nêbeno’. Heta Rayber Apo cinî sey dinya ercneno. Rayber Apo hemverê zîhnîyeyê îqtîdarî û pederşahî, îdeolojîya xelasîya cinî da werte. Nê semedî ra zî cinî serkêş a û encax bi serkêşî eşkena ser bi kewa. Sosyalîzm bêcinî nêbeno. Nê semedî ra ganî cinî serkêş bê. Ganî semedê vengdayîşê jinê aştî û komelê demokratîkî yê Rayber Apo kede û xebatêk pîl bêro dayîş.”