MERKEZÊ XEBERAN - Bi îdiayê “heqaret serekkomarî kerdê” cezaya zîndanî dayîk û babîyê Berkîn Elvanî rê amî birnayîş. 

 

Tuto bi nameyê Berkîn Elvan serra 2013ine de wextê xoverdayîşê Geziyî de Stenbol de bi guleyê bombaya gazî ya polîsan amebî qetilkerdiş. Derheqê dayîka Berkîn Elvan, Gulsum Elvan û babîyê ey Samî Elvan de bi îdiayê “heqaret serekkomarî rê kerdê” dewa amebî akerdiş. Dewa de qerar ame dayîş. Dadgehe bi na îdia serrêke û 2 aşmî cezaya zîndanî da Samî Elvan û 11 aşmî û 20 rojî cezaya zîndanî da Gulsum Elvan. Caardişê qerarî ame taloqkerdiş. 

 

Samî Elvan roniştiş de va, “11 serran de cuya mi vurya, hema zî bêrîye tutê xo kena. Tutê mi êdî çin o, ez nê qerarî wijdanê şima rê verdena” û eywane ra vejîya. 

 

Rojnamegere Fatoş Erdogan, dîyar kerd ke Samî Elvan wexto ke eywane ra vejîyayo wina vato: “Ez teber de ya, polîsan bişirawê û destanê mi kelemçe bikerê, paweyê şima ya.”