Memîhan  Zeydan

 

WAN - Fulya Taştan derheqê rayîrşîyayîşê 4 rojan ê bi sloganê "Ma bi komelê demokratîkî ver bi aştîye şinê" bi serkêşîya meclîsê Ciwanan ê DEM Partîye ame destpêkerdiş de ercnayîş kerd û va: “Mesajo ke ame şirawitiş, tena hêvîya ma geş nêkerd, eynî wextî de girêdayîşê ma yê şarê ma dir, rayîrê ma û serekê ma xurt kerd.”

 

Meclîsê Ciwanan ê Partîya Têduştî û Demokrasî (DEM partî) bi wesîleya 76ine Rojbîyayîşê Rayberê Şarê Kurdî Abdullah Ocalanî 1ê Nîsane de ver bi Amara rayîrşîyayîş da destpêkerdiş û bajarê Kurdistan û Tirkîya de ve bi hezaran kesî rayîr ra şîyî. Ciwanan badê rayîrşîyayîşê 4 rojan bi sloganê  "Ma bi komelê demokratîkî ver bi aştîye rayîr ra şinê" pê ardî û 4ê Nîsane de pîrozbayî kerdî, rayîrşîyayîş peynî kerdî. Roja hîrêne ê rayîrşîyayîşî de mesajo ke Rayberê Şarê Kurdî Abdullah Ocalanî ciwanan rê şirawitibi ame parekerdiş.

 

Fulya Taştan ke tewrê rayîrşîyayîşî bî, derheqê mesajê Abdullah Ocalanî û rayîrşîyayîşê 4 rojan de dewam kerd de ercnayîş kerd.

 

‘Mesajê Birêz Ocalanî semedê pêrûne rayîrêk newe yo’

 

Fulya Taştan da zanayîş ke nêzdîyê 20 serran o yewin rey rayîrşîyayîşêk wina pê ameyo û va: “Ma ciwanan semedê rayîrşîyayîşî dest da yewbînan. Ma bi kelecan bî. Xeylêk astengî estbî la ma astengî nas nêkerd û ma rayîrê xo temam kerd. No semedê ma manayîn bî. Hêz da ma. Mesajê Birêz Ocalanî hîsê cîya ma dir viraşt. Semedê ma pêrûne rayîrêk newe mojna. Mesajo ke ameyo şirawitiş de ame vînayîş ke ganî ma pêro rayîrêk wina taqîb bikerê.”

 

‘Ma vîna ke ters xo ser o eştê’

 

Fulya Taştan dewam de dîyar kerd ke pêwa pêro astengîyan rayîrşîyayîşê ver bi Amara pê ardê û va:  “Ma ciwanê Wanî wextê qeyûman de hemverê hêrişan zincîr şikina. No semedê ma pêrûne bî hêvî.  7 serrî ra heta 70 serre kesî estbî. Ma her cayî de bi coş ameyî pêşwazîkerdiş. Şarê ma êdî ters serê xo ra eştî.”

 

‘Ma bi serekê xo bawer ê’

 

Fulya Taştan wina qedêna: “Mesajo ke serekê ma semedê aştîye şirawito, tena Tirkîya û Kurdistan nê, pêro dinya de veng da. Ma bi serekê xo bawer ê. Ma sey şarî tena bi dewlete nê, bi serekê xo bawer ê.”