MERKEZÊ XEBERAN - Bergê yewin ê 'Manîfestoyê Şaristanîyê Demorkatîkî' ê Rayberê Şarê Kurdî Abdullah Ocalanî bi sernameyê 'Kokê Şaristanî' bi swêdkî ame weşanayîş.

 

Kitabê ke hetê Rojavakommittéerna (Komîteyê Rojawanî) ra ame açarnayîş, bi hemkarîya Federativ Förlag Heval Förlag û Weşanxaneyê Meymanî ra ame çapkerdiş.

 

Rojavakommittéerna neql kerd ke kitab do mabêne 12-14ê nîsane de bajarê pîlî yê Malmö, Göteborg û Stockholmî bêro nasnayîş. Selahîyetdarê amadekarî dîyar kerdî ke fikrê edaletê komelî û konfederalîzmê demokratîkî yê Rayberê Şarê Kurdî Abdullah Ocalanî mîyanê şert û mercê sîyasî yê bîyaye ke bi lez yeno vurnayîş, eşkeno çarçeweyêke cuye pêşkêş bikero.

 

Eşkerayîya Rojavakommittéerna de weşanayîşî kitabî ser o vatî: "Açarnayîşê Kokê Şaristanî tena hewldayîşêk edebîyatî nîyo, eynî wextî de semedê kes û hêzê wazenê kokê krîzê bîyaye fam bikerê û komelêk têduştî awan bikerê vengdayîşêk çalakî yo. Komelê Swêdî bi problemê krîtîkî yê sey vurnayîşê îklîmî, rageşiya leşkerî û bêtêduştîya komelî dir têkoşîn keno; fikrê Ocalanî vera nê probleman eşkeno modelê demokratîkî yê alternatîfî bidê munaqeşekerdiş."