MERKEZÊ XEBERAN - Medyaya dîjîtale ser o deqeyê destbendkerdişê hunermendêke kuçeyê bajarê Reşta Îranî ame parekerdiş, rastê reaksîyonê pîlî ame. La derheqê aqûbetê a hunermende de tu agahî nêame bidestkerdiş.

 

Bajarê Reştayê Îranî de cinîyêke kuçe de keman dayîne piro, hetê pasdaranê Îranî ra amî destbendkerdiş. Dîmenêk ke medyaya dijîtale ser o ame parekerdiş de deqeyê ke hunermende amî destbendkerdiş, ame eşkerakerdiş. Vîdeoyî de yeno vînayîş ke hêzên asayîşî dest dayê kemanê hunermende ser o û hunermenda cinî destbend kenê.

 

Badê ke vîdeo ame parekerdiş, medyaya dîjîtale ser o reaksîyon ame mojnayîş. Xeylêk kesî rexne sîyasetê zordarî yê Îranî kerdî. Ame vatiş ke “Çira pirodayîşê kemanî kuçeyan de sûc yeno hesibnayîş?”. Ancî şuxilnayoxê medyaya dîjîtale, bale antî zehmetiyê ekonomî û bêkarî ser o û bi taybetî mîyanê cinîyanê ciwanan de. Kesê ke reaksîyon mojnayî dîyar kerdî ke no caardiş "zexto zêde" yo.

 

Derheqê nasname û aqûbetê hunermende de tu zanayîş nêame girewtiş.